Articulu in logudoresu

Roy Hargrove (Waco (Texas), 16 de santaine 1969) est unu sonadore de trumba americanu de musica jazz et funk.

Roy Hargrove

Biografia modìfica

Roy Hargove est unu dei sos trumbettistas chi s' est fatu connoscher ad su pubblicu pius mannu in sos annos de sos '90. De iscola Hard Bop, hat unu sonu jaru et isquillante. Iscobertu gratzias ad un ateru trumbettista, Wynton Marsalis, dae su festival "Acireale Estate Jazz", in Sitzilia, chi l' hat subitu inseridu in sa band sua et fat' abberer sas jannas dessu jazz chi contat, cun collaboratziones importantes. Ad vint' annos inzidet su primu album, cun s' etichetta Novus et format su primu complessu. Hat ad fagher pois cun sa matessi etichetta ateros bator discos, et cun sa possibilidade de fagher ad bider su valore sou; et difatti partezipat ad inzisiones 'umpare a sos mastros Sonny Rollins, Frank Morgan, Jackie McLean. In su 1995, hat ad agguantare su primu postu comente trumbettista dess' annu in sa classifica dei sos legidores dessa rivista prestijosa Down Beat. In s' annu matessi inzidet unu discu cun su pianista Stephen Scott et su bascista Christian Mcbride, dedicadu ad su sassofonista Charlie Parker, discu chi l' hat dadu riconnoschimentu meda; han ad sighire ateros discos de sucessu, cun s' etichetta Verve.