Cuntierra:Atentados de s'11 de cabudanni

Bido chi Zorobabele est iscrinde meda in Wikipedia sardu e mi cumprimento cun isse. Appo legidu s'articulu Sos atentados de s'11 de cabudanni... Legere custu e ateros aticulos in sardu de Zorobabele... istraccat unu pagu... ca paret chi cherzat inventare paraulas noas o nou mi paret su modu de las iscriere...ind' unu sardu duru... E aggiungo: pro sos nomenes propios no paret chi si devet inventare... oe sa tradutzione in sardu, pro esempiu: Noa Iorcu, Iracu,Afganistanu ... e puru:isramicu, e nordu, suddu ecc. Bonu trabagliu!

Gràssias pro sas uras de bonu traballu. In s'assòtziu nostru fraigamus paraulas noas onzi die (tenimus unu bogavulàriu chi atualizamus sighidamente e ch'imbiamus telematigamente de badas a totu sos interessados) pessamus chi su sardu, pro devenner limba moderna a beru, non si podat privare de noulozismos, est craru chi custos ùrtimos devent esser de calidade. "Nordu" e "suddu" sunt medas inditados pro sa fonètiga de sa limba nostra e non semus petzi nois chi l'impreamus. Semus aguarmente cumbintos chi su sardu, che onzi àtera limba bera, devat bortare a su nessi sas tzidades prus importantes de su mundu e creimus chi "Noa Iorcu" andet bene pro su sardu in sa matessi manera chi "Nueva York" andat bene pro s'ispannolu, o "Nova Iorque" pro su portughesu. In onzi modu, faghent 13 annos chi tenemus s'istandard nostru e non lu podimus mudare. Sos àteros podent iscrier comente cherzant, si no est ch'italianizant demasiadu su sardu, custu mi paret evidente. Bonu traballu a Bostè puru!

Return to "Atentados de s'11 de cabudanni" page.