Samugheo: diferèntzias tra is versiones

Samugheu est’ una ‘iddha de 3.509 animas e s’agatat in sa provincia de Aristanis. Est collocada a 400 metros e prusu in s’artura ‘e su mare, a cussorgiu de sas contradas de Barbaxanna, Mandrellisai, Campidanu de Fodrongianna e Asune, e cun su Barigadu. Su territoriu de Samugheu s’estendet po 80 chillometros, e sas biddhas cussorgialles funt:a parte ‘e susu, Busache, Ortuere e Srògono, a s’alla ‘e manca,cun Allai e Orruinas, a parte’e josso cun sune e a s’alla ‘e destra Atzara, Meana e Lacune. Est una zona ricca de ‘ingias e tancas de laore, cun baddhes e rios, cun sribones e crappiollos, crabas agrestes e matzones, astores, ‘unturgios e abillas, e sa punta prus arta de tottus sos montes arribbat 660 metros de artura. Est connotta po su tessingiu e s’arranda, po sos bellos costumenes de femmina e de mascu, riccos e bene repuntados. Su costumene de s’ omine est cumpostu dea sa Camisa, de linu o codone, dea sa Berritta, de orbache o pannetto nieddhu, dea su Cosso, chi est repuntadu cun sos orrollos atzurros e interamente fattu de velludu blu, dea su Bragallittu (numenadu chintzullu o ‘raga nieddha) chi podet essser fatta de orbache o pannetto nieddhu, dea sas Bragas Biancas (o canudas) fattas de lino o codone, dea sas Cartzas;e a bortas cche fut finzes su Capottinu de orbache e velludu, e su Gabbanu, longu-longu de orbache nieddha. Su ‘e sa femmina est meda bellu, cun sas Chintas de orbache nieddha o ‘rubia, sas Chintas funt duas: sa ‘e ‘nantis e sa ‘e pallas. Sa ‘e pallas est prissettada, e giughet fittas de seda, e a su fundu un’orrollu deseda bidre, sa Chinta ‘e ‘nantis, imbesse, est ‘e tottu de orbache, ma no’ prissettada, po-itte andat repuntada, e-i est orrollada, custa puru, dea seda bidre. Giughet sa Camisa, repuntada, e tenta frimma dea su Croppittu, de broccadu o de velludu, cun orrollos ‘rubios, subra su Croppittu e sa camisa andat postu su Cippone, de broccadu nieddhu,blu o druchesadu, e-i est a manigas longas. Sos Liongios funt in origine 18, ma cun su passare de su tenpus, sos liongios no’s’umperaiant prusu, e como funt 7. Sos ballos de sa ‘iddha funt: s’orrosciada, sa dantza, su ballittu, sos tres passos, su passu torradu, su ballu sadru, sa treghenta, chi funt sonados a sonette, a fisarmoniga, trunfa, pittariollu, launeddhas e cun su tenore. In Samugheu s’agattant fintzes sos Mamutzones, sos ‘Omadores, s’Urtzu, su Caghineri, su Fennugu e su Carru 'e Santu Minchilleo, mascheras traditzionalles de su Carrasegare Samughesu.