Pallanuoto: diferèntzias tra is versiones

Sa '''botza in aba''' est un'isportu de echipa abàtigu nàschidu in su de XIX sègulos in Inghirterra e in Iscòtzia, chi sas règulas fiant istadas codifigadas pro sa prima bia in su 1.887 dae William Wilson. Una partida de botza in aba est disputada dae duas echipas, onzi una formada dae sete zogadores, narados botzinabistas, chi zughent unu cambussinu de colore diferente cunforme a s'echipa e chi podent esser sustituìdos in tempus de s'addòviu pro unu nùmeru illimitadu de bias, francu in su casu chi cumitant tres fartas graes, su chi nche zughet in fatu s'ispellidura definitiva e sa sustituidura obrigatòria. Nadende in un'ispigru de aba, sos atretas devent frumbulare cun sas manos (s'àprigat pro sa partida intrea, cun sa dèroga de su zanneri, s'obrigadura de tocare sa botza cun una manu ebia) unu ballone su nùmeru prus mannu de bias chi si podat a intro de sa zanna rivale. Onzi bia chi custu acontessit, si realizat unu puntu, naradu finas golu o realizadura, che in su fùbalu. A s'agabu de sos bator tempos de zogu, s'echipa con su nùmeru prus artu de puntos est decrarada binchidora.