Limbas de sa Cina

Articulu in nugoresu

Sas limbas de sa Tzìna sun sas limbas chi sos 56 grupos etnicos reconnòttos faveddan in Tzina. In Tzina sa limba prus forte, chi si ischirriat in paritzos limbazos diferentes, si connoschet chin su lùmen de Hanyu (tzinesu: 汉语; tzinesu tradissionale: 漢語; pinyin: Hànyǔ) e s'istudiu suo est unu campu accademicu a banda. Hanyu, o limba Han, tenet 8 dialetos in sinu suo: sas differentzias sun goi mannas chi s'unu non si podet cumprender pro chie connoschet s'atteru. Sas limbas chi tenen prus apozu e istudiu in Tzina sun su mongolu, su tibetanu, Uyghur e Zhuang. Sicundu a Ethnologue, sa Tzina tenet 292 limbas galu vivas e una limba morta (Jurchen).

Limbas de sa Cina.

Su tzinesu istandard, connottu in Tzina comente Putonghua, est una variedade de su Mandarinu e in continente est sa limba nassionale e uffitziale: issu si fundat in su Beijing e si faveddat péri tottu sa Tzina nord/sudotzidentale chind una cantitade manna de dialettos. Sicomente fachet de limba franca in prus o mancu parte manna de sa Tzina, bi at unu balanzu mannu sotziale, economicu e péri praticu in s'uffitzialidade de su Putonghua.

Sas lezes tzinesas non balen pro Hong Kong o Macau e, duncas, custos trettos tenen unu limbazu, su cantonesu, chi est a diversu dae cussu continentale.

In prus, est a ammentare chi sas regiones autonomas tenen limbas uffitziales in prus chi lis sun reconnottas. Pro esempiu, su tibetanu est uffitziale in sa Regione Autonoma de su Tibet e su mongolu lu est in Mongolia.