Oregon

Artìculu in LSC

S'Oregon (/ˈɔrɨɡən/ orr-ə-gən) est unu istadu federadu de sos Istados Unidos de Amèrica chi s'agatat in sa regione de Nord-Ovest Patzìficu. Sa capitale est Salem, ma sa tzitade prus manna est Portland.

Tenet làcana in s'Ovest cun s'Otzeanu Patzìficu, in su Nord cun s'istadu federadu de Whashington, in su Sud cun su de Califòrnia e in s'Est cun Idaho e Nevada. Manna parte de sa làcana de Nord est dada de su frùmene Columbia, in s'Est de su frùmene Snake.

Sa zona de s'Oregon, in antis de s'arribu de sos esploradores e sos colonizatores fiat abitada de populatziones indìgenas. Est de su 1843 sa formatzione de su gubernu autònomu de Oregon Country. In su 1948 fiat formadu su Territòriu de Oregon e afines, su 14 friàrgiu 1859 s'Oregon est intradu in s'Unione comente istadu de 33.

S'Oregon est s'istadu prus mannu de 9 e su de 27 prus populadu. Su chirru a prus arta denisidade est su de Ovest, in ue s'agatant 8 de is 10 biddas prus mannas. Su territòriu s'iscerat pro sa manna bariedade de paisàgios, sende chi s'agatant siat padentes siat desertos. Si podet nàrrere chi in s'Ovest s'Oregon siat proinosu e birde e chi andende a s'Est si faghet a pagu a pagu prus sicu e àrridu. Su puntu de artiore majore est su pitzu de su Monte Hood (3.429 m). In s'Oregon b'est unu parcu natzionale: su Crater Lake National Park.

S'Oregon est su de 26 prus mannu produidore de richesa intre de is 50 istados federados e tenet disimpreu a s'8%. S'economia s'apoderat subra sa massaria, sa produtzione de linnàmene, s'arta tecnologia e su turismu.

Su nomìngiu de s'Oregon est Beaver State (Istadu Castoru).