Barbàgia: diferèntzias tra is versiones

==Istoria==

Sos barbaritzinos benin dae sas populassiones prenuraghesas e nuraghesas de sa Sardinna de su millenniu de IV a.C. Sos punicos non bi la an fatta mai a bincher sos muntagninos de sa Sardinna tzentrale e settentrionale. Bi aìat, prusaprestu, carchi rapportu de cummertziu e cunviventzia. Fintzas sos [[latinos|romanos]] an tentu problemas in cùe, cun sos [[Balares]], [[Cossos]] e [[Ilienses]] chi fachìan resistentzia e bardana a su populu invasore: a custos sos romanos los an muttidos ''Civitates Barbariae'' e, a pustis in edade imperiale e vandalica, ''Barbaricini''.

Tando, est làdinu e craru chi su toponimu "Barbagia" benzat dae su latinu ''Barbaria''. Su protzessu de [[assimizatzione culturale]] in Sardinna fit andadu a bellu a bellu, e fit andadu bene petzi ca sos romanos bi aìan fattu bènner e accudire zente latina, chi dìat àer vividu in sa terra propria de cussa nuraghesa. De importu fit pèri s'arrolamentu de sardos in s'esertzitu imperiale, comente mertzenarjos o sordados in ''cohortes'' pretzisas.