Hawaii: diferèntzias tra is versiones
Pàgina creada cun '{{coord|format=dms|display=title}}{{Variant|LSC}}Sas '''Hawaii''' (/həˈwaɪ.iː/ o /həˈwaɪʔiː/; Hawajanu: Hawaiʻi [hɐˈvɐiʔi]) sunt unu artzipè…' |
(Diferèntzia peruna)
|
Revisione de is 13:29, 2 Cab 2014
Coordinadas: 21°30′N 158°00′W / 21.5°N 158°W
Artìculu in LSC
Sas Hawaii (/həˈwaɪ.iː/ o /həˈwaɪʔiː/; Hawajanu: Hawaiʻi [hɐˈvɐiʔi]) sunt unu artzipèlagu chi s'agatat in posidura tzentrale a s'Ocèanu Patzificu.
Est cumponidu de chentinas de ìsulas vulcànicas ispratas in prus de 2.400 km. A su chirru de Sud-Ovest de s'artzipèlagu s'agatant sas oto prus mannas, chi de Nord-Ovest a Sud-Est sunt: Niʻihau, Kauaʻi, Oʻahu, Molokaʻi, Lānaʻi, Kahoʻolawe, Maui e s'Ìsula de Hawaiʻi. Est custa sa prus manna, inditada fitaniamente comente Isula Manna pro dda distìnghere de su restu de s'artzipèlagu.
Sunt su prus setentrionale grupu de ìsulas de sa Polinèsia.
Sas Hawaii sunt fintzas istadu federadu de sos Istados Unidos de Amèrica, de chi faghent parte de su 21 de austu 1959, ùrtimu istadu a b'intrare. Sa capitale e prus manna tzitade est Honolulu, posta in s'ìsula de Oʻahu.
Sas Hawaii, de sos 50 istados federados sunt su prus pagu istèrridu de 8, su prus pagu populadu de 11, ma su de 13 cun prus arta densidade de bividores. Sa costera, chi tirat a 1.210 km, est sa prus longa de sos Istados Unidos a segus de sas de Alaska, Flòrida e Califòrnia.
In sa natzione est su solu istadu insulare e su solu cun majoria de populatzione de orìgines asiaticas. Comente a s'Arizona, non sighit s'ora legale. Comente s'Alaska non est contiguosu a sos àteros, ma est s'ùnicu in sa federatzione chi non s'agatat in su cuntinente americanu. Geograficamente e etnologicamente sas Hawaii sunt parte de s'Oceània.
Su nomìngiu de sas Hawaii est "The Aloha State" (S'Istadu de s'Aloha). Aloha est unu faeddu hawajanu chi cheret nàrrere istima, paghe, piedade, e chi de su sèculu XIX benit usadu fintzas a saludu.