Limba ungheresa: diferèntzias tra is versiones

[[File:Idioma húngaro.PNG|thumb|270x270px|Ispainadura de s'ungheresu]]

Sa '''limba ungheresa''' pertenet a su grupu de sas [[limbas ugro-fìnnicas|limbas ugrofìnnigas]], chi a dies de oe incruet, in prus de su mazaru, petzi su [[limba finlandesa|finlandesu]] e s’[[limba èstona|estonianu]], bastante assimizadores intre sese, peroe diferentes meda dae s’ungheresu. Est faeddada dae unos 15 milliones de pessones in totale: 11 in sa [[Ungheria|Repùbriga Ungheresa]], 2 in sos paìsos probianos ([[Romania|Rumania]], [[Ucraina|Ucraìna]], [[Islovàchia|Isrovàchia]], [[Sèrbia]], [[Croàtzia]] e, meda pagu, [[Àustria]]), in sas reziones istorigamente ungheresas, e sos 2 abarradores ispartzinados peri su mundu, cun comunidades importantes in sos [[USA|IAA]], su [[Canada|Cànada]] e s’[[Australia|Austràlia]]. S’ungheresu est una limba gasi narada agrutinadora, su chi cheret narrer chi una paraula ebia podet cuntenner diferentes partes de s’allega a mèdiu de s’impreu de prefissos e sufissos (is.: “városomban” = “in sa tzidade mea”). Su tèrmine “agrutinadore” si referet a unu tipu de limbas, no a una famìlia o a unu grupu. Sunt agrutinadores, pro narrer, finas su [[Limba basca|bascu]] e su [[Limba turca/campidanesu|turcu]], chi non tenent peruna relassione limbìstiga cun s’ungheresu. In realidade, unos cantos limbistas no iscruent chi sos idiomas agrutinadores podant aer tentu un’orìzine comuna: peroe si gasi est istadu, est acontèssidu tempus gasi in palas, chi a dies de oe est impossìbile a demustrare custa orìzine.