[[File:Coat of arms of the Carabinieri.svg|thumb|426x426px|Istemma de sos carabineris]]
S’ArmaS’'''Arma de sos Carabineris''' est una de sas bator fortzas armadas [[Itàlia|italianas]], cun cullocadura autònoma in su cuadru de su [[Ministèriu de sa Defesa]]. Est una fortza militare de polima in servìtziu permanente de seguràntzia pùbriga. Pro more de sa creze sua dupra de fortza militare e fortza de polima, li sunt assinnadas tareas militares in ue cuncurret a sa defesa de su territòriu italianu, garantit sa seguràntzia de sas rapresentaduras dipromàtigas italianas in logu istranzu, leat parte a sas operaduras militares in [[Itàlia]] e addae de làcana in sa base de sa pranifigadura de impreu apostivigada dae su cabu de istadu mazore de sa Defesa, isvilupat sas funtziones de polima militare, gasi comente, in s’arrimu de sos còdighes penales militares, de polima zudissiària militare in sa dependèntzia de sa zustìssia militare. In su cuadru de sos poderes de polima, isvilupat sas funtziones de polima zudissiària e de seguràntzia pùbriga in sa dependèntzia funtzionale de su ministru de sos Afares Internos. Su cumandadore zenerale atuale est su Zenerale de corpus de armada [[Leonardo Gallitelli]].
In casu de emerzèntzia, pro cuntatare sos carabineris in [[Itàlia]] est pretzisu a marcare senacostu, in cale si siat telemòbile o telèfonu firmu, su nùmeru 112.
Sos carabineris, in [[limba sarda|sardu]], sunt mutidos in su limbazu familiale “bonetes nieddos”.
