Limpiadura ètnica

Artìculu in LSC

Limpiadura ètnica, o epuratzione ètnica, est unu faeddu chi iscerat cumbènidos polìticos disvariados a fine de obligare grupos ètnicos pretzisos a lassare sa sede de residèntzia pro s'acussorgiare aterùe (movidura fortzada, agrustamentu fortzadu).

Cun su metessi faeddu podet èssere inditada s'emigratzione fortzada, sa trasladura de populatziones o sa deportatzione, fintzas a su genotzìdiu de una comunidade discriminada a causa de critèrios religiosos, linguìsticos, sotziales, ideològicos, istratègicos o cumbinadura de custos critèrios.

Su cuntzètu de limpiadura ètnica, prus a prestu chi inditare is maneras de movidura, faghet fetianamente riferimentu a sa proponidura de isperedere unu grupu ètnicu a intro de unu territòriu. In lìnia prus generale su faeddu ammuntat unu ispetru ampru de cunditziones, chi andant de s'emigratzione fortzada a degollos de massa su genotzìdiu.

S'espressione est fatufatu discoidada de is analistas polìticos, sende chi diat pòdere èssere interpretada che unu eufemismu impitadu de chie dd'usat pro chircare de manipulare sa realidade de is fatos, aplichende connotatziones positiva (limpiare, purificare, reabilitare) a unos atos moralmente cundennàbiles.