Solstìtziu: diferèntzias tra is versiones

Su '''solstìtziu''' est cadaunu de sos duos momentos de s'annu cando su [[Sole]] tenet sa declinatzione màssima (distàntzia angulare) rispetu a s'[[ecuadore tzeleste]].

 

 

Un'àtera manera de cumprèndere su significadu de solstìtziu est de nos refèrrere a sa durada de sa die (in astronomia, sa die cumprendet su tempus in su cale su Sole s'agatat subra de s'orizonte, est a nàrrere, su tempus chi passat intre s'[[arvèschida]] e [[iscurigadorzu|iscurigadòrgiu]]. Custa durada est variàbile durante s'annu. B'ant duas dies in s'annu cando arribat a sos balores estremos: sa die prus longa currespondet a su solstìtziu de istiu, e sa prus curtza, a su solstìtziu de ierru. Su solstìtziu de istiu marcat su passàgiu de su [[beranu]] a s'[[istiu]], mentras chi su solstìtziu de ierru marcat su passàgiu de s'[[atòngiu]] a s'[[ierru]]. In s'emisferu sud, si nde narat solstìtziu de istiu de su solstìtziu de su mese de nadale, e solstìtziu de ierru, de su solstìtziu de su mese de làmpadas, pighende in contu sa diferèntzia de [[istasone|istasones]] intre sos duos emisfèrios.