Grupu de Visegrád: diferèntzias tra is versiones

Content deleted Content added
Pàgina creada cun '{{Variant|LSC}}Su '''Grupu de Visegrád''' (polonesu: ''Grupa wyszehradzka'', ungheresu: ''Visegrádi Együttműködés'', Limba islo…'
(Diferèntzia peruna)

Revisione de is 12:47, 1 Mar 2020


Artìculu in LSC

Su Grupu de Visegrád (polonesu: Grupa wyszehradzka, ungheresu: Visegrádi Együttműködés, islovacu: Višegrádská skupina, cecu: Vyšehradská skupina; pronùntzia: "viscegrad"), nòdidu fintzas che Visegrád 4 o V4, est un' alliàntzia culturale e polìtica de bator istados de s'Europa tzentrale - chi sunt membros de s'UE - a sos fines de s'adelantamentu militare, culturale, econòmicu e de sa cooperatzione energètica; in prus su grupu serbit a promòvere s'integratzione de sos sìngulos istados in s'Unione Europea.

Su grupu traet orìgine de sas riuniones de sos leaderes de Cecoslovàchia, de Ungheria e de Polònia tentas in su casteddu-tzitade ungheresu de Visegrád su 15 freàrgiu 1991. Visegrád fiat istadu seberadu comente a logu de s'adòbiu in su 1991 comente allusione a su Cungressu medievale de Visegrád in su 1335 tra Giuanne I de Boèmia, Càralu I de Ungheria e Casimiru III de Polònia. A pustis de s'iscontzu de sa Cecoslovàchia in su 1993, sa Cèchia e s'Islovàchia sunt istadas fatas membros indipendentes de su grupu, creschende gai su nùmeru de membros de tres a bator. In orìgine fiat prevìdida sa partetzipatzione a su grupu fintzas de sa Romania. Sunt istados sos iscontròrios ètnicos graes acontèssidos in Transilvania in sa bidda de Târgu Mureș/Temesvár intre ungheresas e rumanos in su 1990 a istesiare sa Romania de Ion Iliescu de sos protzessos preparadores pro sa formatzione de su grupu de cooperatzione. Totus e bator sos membros de su grupu Visegrád ant adillidu a s'Unione europea su 1º maju 2004, mentras pro como petzi s'Islovàchia at adotadu s'euro, in su 2009.

Àteros progetos