...altrimenti ci arrabbiamo!/campidanesu

...altrimenti ci arrabbiamo (in sardu:...o chi nonu s'arrenegaus!) est unu film de su 1974 dirixu de Marcello Fondato, cun Bud Spencer e Terence Hill.

Totu sa trama si furriat a una dune buggy rubia, modellu fatu de sa Puma, ca fait de "pumu de sa scuncordia" de sa storia.

Trama[modìfica | modìfica su còdighe de orìgine]

Ben e Kid funti su primu unu meccanicu e su segundu unu camionista e totu is duus tenint sa passioni po is cursas automobilisticas. Bincidoris ex aequo de una gara meda lestra de autocross, bincint comenti premiu una dune buggy noa, rubia cun cappottedda groga. Sigomenti no si podit dividìri, decidint de si'dda giogai. Kid proponit una gara a "birra e sartissus" («su primu ca si crepat pagat su contu e perdit sa macchina»), e Ben accettat.

Totu is duus bandant in ddunu bar de su luna park accanta po si giogai su trofeu. Su disaffiu benit però interrumpia de una una ghenga de tzeraccus de unu speculadori ediliziu, mutìu sceti su Boss , e ca bolit bettai a terra su luna park po fai logu a is suas costruzionis. Is ominis sciusciant su bar. Bessìus, Ben e Kid attoppant unu de is tzeraccus, ca intimat a issus de calai de sa dune buggy. Ben e Kid narant ca no e provant a si'nd'andai de inia, ma is bandius corpint sa vettura, abbruxandudedda.

Decidius a pretendiri una macchina noa, oguali a sa macchina scioppada, Ben e Kid bandnt tandu a su locali ristoranti de su Boss, e inoa narant sa battuta c donat su titulu a su film. A su Boss ca domandat a modu de sfida «O chi nonu?», Kid arrespundit difatis cun ddunu «...o chi nonu s'arrenegaus!», ca s'at a intendiri medas bortas in sa storia.

Pesaus de inia issus, su Boss est de accordiu a torrai sa cosa, ma benit dissuadiu de su suu brassu destru, su Dottori : unu psicologu freudianu de crara origini tedesca. S'omini cumbincit su Boss addusendu presumias arrexonis pedagogicas: Ben e Kid, a su chi narat issu, funti duus pipius afissiaus, ca binti su Boss comenti unu babbu. Ogna cuncessioni a is trempus insoru iat a essi tandu una gravi faddina psicologica. Su Dottori bantat sa malesa, ma certat a su Boss poitta fait su malu tantis po ddu essi, sena motivu.

Invecis de nddi torrai sa dune buggy , su Boss fait sighiri Ben e Kid de unu tzeraccu suu, ca ddus sighit cun duas piccioccas a su luna park. Is duus si'nd'agatant e, domandandusì chi su Boss apat cumprendiu o nonu su chi boliant nai, si lassant tragai in dduna prova de forza in is attrazionis de su luna park. S'omini,a sa fini, ddis narat de ddus sighiri in dduna palestra, cumbintu de ddus podiri battiri in su pugilau. Ma, mentris s'est ancora ponendu a postu, Ben e Kid pistant totu sa gang ca ddus abettabat in palestra.

Pagu tempus a pustis, in s'officina de Ben, erribat una ghenga de motociclistas totus bestius de nieddu: su Boss ddus at imbiaus po recitare una pantomima faendu finta de ddi donai una dune buggy ca no esistit a is duus sissiligheris. Kid fingit de abarrai a su giogu, ma improvvisamenti narat ca no, e a lestru scaddiat su capu de is motociclistas pigandudeddi sa moto. A s'acabu de una fua in is padentis, Kid e Ben battint is urtimus duus cumponentis de sa banda in ddunu scontru ca torrat a sa menti un duellu medievali, cun motociclettas po cuaddus e fustis po is lanzas.

Su Dottori tandu cumandat a su Boss sa sua opzioni finali, e fait benni de is Stadus Unius unu glaciali killer mutìu Paganini poitta ddi bastat sceti unu corpu e duncas no repitit, comenti su violinista Niccolò Paganini. Po cussu si serbit de unu fosili cuau in sa custodia de unu violinu. Ogrus azurus, facci pallida, bestiri gessau, Paganini no narat unu fueddu, ma domandat meda dinai po su traballu. Issu sighit Ben e Kid in teatru, auba Ben est faendu is provas de su coru de is pompieris, ma no arrenescit a teniri totu is duus a innantis. A pustis ca at provai medas bortas, parit ca siat finalmenti s'ora bona. Candu però su killer oberit sa custodia de su fosili, s'agatat ca cuddu est istetiu cambiau cun ddunu violinu beru. Est istetiu Kid, ca immoi puntat su fosili beru contra de issu.

Mentris a su ristoranti su Boss e su Dottori faint giai festa, segurus de s'essi liberaus de is duus, s'intendit una orribili sviolinada: est Paganini ca, a suta de s'amalezzu de sa sua matessi carabina, attochidat sonandu e strobbat is clientis. Bittu s'ex killer, su Boss s'arrenegat, e est prontu a sfogai sa sua malesa a pitzu de su Dottori. Ma issu tenit una urtima carta. Cumbincit difatis su Boss ca sa bera menti ca guidat Ben e Kid est in realidadi Geremia, unu beccixeddu ca axudat Ben e ca, tempos a innantis, fudi istetiu cuocu in su ristoranti.

Candu Ben agatat Geremia allomborau a suta de una macchina, pistau e maliconciu, is duus protagonistas (a pustis de dd'essi nau medas bortas) finalmenti "s'arrenegant". Erribaus a lestru a su ristoranti de su Boss, sfundanto sa janna cun sa macchina, sciusciant su locali e scudint totu su personali, torrandu a pretendiri una macchina noa.

Su dis'in fatu su Boss, disfau, donat a Ben e Kid ben duus dune buggy , decrarandu satisfacenti sa soluzioni. E si nd'andat, sollevau de sa vertenza ca ddat bittu perdiri in dduna manera aici imprevedibili.

Mentris Ben e Kid, brexosus po su successu, provant is vetturas noas, ddu at un atru incidenti: po sbeliu Kid difatis corpit sa macchina de Ben, ca si furriat e pigat fogu. Ben no si fait nudda ma, imprumonau, assistit a su destrossu de sa macchina. Ma sa perdia andat dividia, e is duus si ponint de accordiu po una sfida noa a "birra e sartissu".

Produzioni[modìfica | modìfica su còdighe de orìgine]

Su film est istetiu girau in Spagna, a Madrid, e in Italia, in Poggio San Romualdo e Roma.