Wikipedia:Tzilleri: diferèntzias tra is versiones

 

:::::In cada manera, bidu chi ais chistionadu fintzas de cussu, chèrgio acrarire chi penso chi custas modìficas diant pòdere fortzis agiudare cun unos cantos utentes chi diant chèrrere fàghere modìficas in Wikipedia, ma non diant fàghere acabare sas dibatas chi fiat numenende {{Risponde_a|Paninu}}. Chie narat cosa contra a sa Wikipedia sarda, fatu-fatu, non lu narat in bona fide, e chie si cumportat gasi cheret nàrrere chi in bona fide mai l'at fatu o l'at a fàghere. In custas dies l'ais bidu fintzas bois, chie s'est postu a vandalizare l'at fatu andende intentzionalmente a chircare sas pàginas in LSC, fintzas pàginas chi non teniant una versione in àteras grafias che a [[Marianna Bussalai]] o [[Pandèmia de COVID-19]] (pro nàrrere chi non fiat una chistione de prus o mancu visibilidade) e ponende·si a fàghere unu traballu chi at isseberadu de non fàghere mai, in annos e annos, pro creare pàginas noas o megiorare cussas in campidanesu, fintzas si fiant in campidanesu ebbia. Bastat a bìdere su nùmeru de artìculos in campidanesu (345), contra a cussu de totu sas àteras grafias (LSC:1'771, logudoresu: 1'693 e nugoresu: 401) pro tènnere sa proa (ponende a banda sa chistione chi naraiat {{Risponde_a|Elcaracol}}, chi a dolu mannu est bera e balet fintzas pro sos chi chistionant in variantes de àteras zonas, chi fatu-fatu no iscrient o non cherent règula peruna su matessi) che a chie faghet abbolotu, fintzas si diat tènnere sa capatzidade de agiudare, si aiat chèrfidu, de sa Wikipedia sarda non li nd'est mai afutidu nudda. B'at gente chi non cheret fàghere, cheret chi sos àteros non fatzant e cando traballant chircat de los firmare. E Wikipedia no est s'ùnicu logu in ue si sunt bidas cosas gasi. Sa resone pro sa cale ant incumentzadu in custu momentu pretzisu a fàghere totu custas acusas penso chi siat simpremente su fatu chi, cun totu sas initziativas e cosas noas chi semus faghende (pro mene contat fintzas su fatu chi isseberamus e ponimus un'artìculu de su mese nou cada mese, imbetzes de lu lassare blocadu comente est abarradu pro annos), megiorende siat sa calidade siat sa cantidade de artìculos, cun templates, ghias e totu su restu, diamus pòdere fàghere connòschere e apretziare, fintzas si pagu a pagu, sa Wikipedia sarda a sa gente, e custu issos non lu cherent. Lis diat agradare morta, comente cale si siat progetu de sardu chi non siat a su 100% comente lu cherent (e fintzas pro cussos, dia tènnere carchi duda). Cale si siat modìfica amus a fàghere no at a cambiare mai nudda, pro issos.--[[Usuàriu:L2212|L2212]] ([[Cuntierra usuàriu:L2212|talk]]) 04:17, 14 Maj 2020 (CEST)