Donnu Cesare Bisognin: diferèntzias tra is versiones

Nàschidu in Turinu in una famìlia profundamente catòliga, aiat maturadu sa bogadura sua pro sa satzerdotia frechentende su patronazu e sa bigaria de sos Santos Pedru e Paulu in Turinu, in su bighinadu de San Salvario. Pustis terminada s’iscola segundària, su 5 de santugaìne de 1.970 fiat intradu a su Seminàriu Minore de sa diòtzesis de Turinu e si fiat marcadu a s’istitutu mastrale. Su 7 de santugaìne aiat cumintzadu a sighire sos cursos teolòzigos inche su Seminàriu Mazore. Sende gasi, zai dae unu mese pagu prus o mancu aiat cuminzadu a serare unu dolore forte in su ghenugru mancu e si fiat sutapostu a unos cantos averiguamentos: l’aiant diannostigadu un’osteosargoma in su tertzu de zosso de su cossale mancu. Fiat pellegrinu in Lourdes e in Roma in s‘Annu Santu 1.975 e aiat sighidu a si mantenner in cuntatu cun su Seminàriu. S’archipìscamu de Turinu, Michele Pellegrino su cardinale, a pustis de unas cantas resistèntzias initziales, aiat cumpresu chi lu deviat ordinare satzerdotu, pustis lograda sa dispensadura ispetziale dae Paulu VI su paba. Intre sa Chida Santa e s’Otava de Pasca Manna, su zòvanu aiat retzidu in sechèntzia lestra sos ministèrios e sa diaconia e, sa dumìniga 4 de abrile, fiat istadu ordinadu satzerdotu in domo sua dae Pellegrino su cardinale. In sas dies seghidorassighidoras, donnu Cesare, cun s’assistèntzia amoràbile de donnu Pino s’amigu suo, aiat ufissiadu deghessete missas, dòighi in domo e chimbe in s’ispidale, a ue l’aiant internadu torra in sas ùrtimas dies, pro lu batire de nou a domo duas dies in antis de sa morte, a dimanda sua. Donnu Cesare fiat mortu su 28 de abrile a sos 19 annos. Discansat in su campusantu monumentale de Turinu.