Cuntierra usuàriu:TRGM91

Bene bènnidu in Wikipedia!

Salude TRGM91, e bene bènnidu in sa Wikipedia sarda! Apo bidu chi as fatu una paja de modìficas, gràtzias meda! No isco si as giai traballadu in antis in Wikipedia, si nono ti podes lèghere su tutorial pro sa Wikipedia in sardu fatu pro chie est incumintzende.

A propòsitu de cussu, ti cheria avisare de fàghere atentzione a non modificare sa grafia de sos artìculos, francu chi in sas ocasione in ue si podet. Comente podes lèghere inoghe e inoghe, si un'artìculu esistit giai in una grafia tue podes cambiare cussa grafia petzi si est un'abbotzu e tue ses creende un'artìculu prus mannu. In totu sos àteros casos tocat de creare una suta-pàgina impreende sos templates apòsitos. Pro custu apo tramudadu sa versione tua in LSC de Innu natzionale a inoghe, ca as cambiadu petzi sa grafia. Frantza, imbetzes, l'apo lassadu comente l'as modificadu ca fiat un'abbotzu e como non l'est prus (fintzas si est galu minore).

Si tenes cale si siat duda o ti serbit agiudu (in subra de custu ma fintzas de cale si siat àtera cosa) faghe·mi ischire chene ti pònnere problemas! Mi podes cuntatare in sa pàgina mea de sas cuntierras!--L2212 (talk) 23:04, 18 Mar 2021 (CET)