Càbina telefòniga: diferèntzias tra is versiones

Su primu aparitzu telefònigu fiat istadu patentadu in su 1.889 dae William Gray. Si narat chi s’idea de sa creassione de un’aparitzu telefònigu pùbrigu li fiat intrada addaghi muzere sua fiat istada leada dae unu malistare, e nemos a fùrriu l’aiat dassadu impreare su telèfonu cosa sua. Su primu brevete de custu aparitzu fiat meda sintzillu: su telèfonu funtzionaiat in manera normale, peroe insertende una moneda custa diat aer fatu sonare una campanedda informende de su pagamentu s’operadore chi duncas poniat su criente in cuntatu cun sa pessone disizada. Gray, in pessu aproadu su brevete, aiat abertu un’impresa pròpria sua e aiat cumintzadu a installare custos aparitzos in medas tzitades. In su tretu de carchi annu, custa imbentura fiat arribada finas a s’Europa. Sas cabinas rujas londresas famadas a beru, pro narrer, fiant istadas introduìdas in su Rennu Aunidu in su 1.924. Posteriormente, fiant istadas introduìdas in manera gradativa in sos àteros paìsos.Sa cabina telefòniga est un’istrutura probida de una zanna pro garantire unu mìnimu de privatzitade a sos chi la sunt impreende, e de una bentana, o de una filera de bidrales pro amustrare cando sa cabina est in impreu. In sa cabina, in unos cantos casos, est possìbile, e in su tempus coladu lu fiat finas in Itàlia (si fiat detzìdidu de las retirare a bias de sa metade de sos annos de su sègulu barigadu in bista de sas furas e de su bandalismu frechente), a agatare una lista telefòniga logale, e in sos hoteles finas pabiru, una pinna e un’arrimu pro si seer.