Shanghai: diferèntzias tra is versiones

'''Shanghai''' (In [[Limba tzinesa|tzinesu]]: 上海) est unu de is bator comunos a amministratzione direta de sa [[Cina|Repùblica Populare Tzinesa]]. Sa tzitade s'agatat a subra de sa foghe meridionale de su riu Yangtze, rugrada dae su riu Huangpu. Cun una populatzione de 24,87 milliones de abitantes in su [[2020]]<ref>{{Tzita web|url=http://www.stats.gov.cn/english/PressRelease/202105/t20210510_1817188.html|tìtulu=Communiqué of the Seventh National Population Census (No. 3)|situ=www.stats.gov.cn|limba=en|atzessu=2021-12-05}}</ref> est s'àrea urbana prus populosa de sa [[Cina|Tzina]], sa tzitade prus populosa de su mundu e s'ùnica tzitade de s'[[Àsia orientale]] cun unu PIL prus artu de su de sa capitale sua. Shangai est unu tzentru globale pro sa finàntzia, is afàrios e s'[[economia]], sa chirca, s'imparu, s'[[iscièntzia]] e sa [[tecnologia]], sa produtzione, su [[turismu]], sa cultura e su trasportu; su portu de Shangai est su portu pro cuntenidores prus travigadu de su mundu.

Me is annos '90, is reformas econòmicas chi Deng Xiaoping at introduidu unos deghe annos in antis ant portadu a un'avaloramentu nou de sa tzitade, prus che totu de s'Àrea Noa de Pudong, favorende sa furriada de sa finàntzia e de is investimentos istràngios<ref>{{Tzita web|url=http://www.xinhuanet.com/fortune/2018-09/17/c_1123438650.htm|tìtulu=浦东，改革开放尽显“上海风度”-新华网|situ=www.xinhuanet.com|limba=zh|atzessu=2021-12-05}}</ref>. Sa tzitade est torrada a essire unu tzentru pro su cummèrtziu internatzionale e sa finàntzia; est sa sede de sa Bursa de Shangai, una de is prus bursas mannas de su mundu pro capitalizadura de mercadu e sa Shangai Free-Trade Zonae, sa prima zona de iscàmbiu lìberu in sa Tzina continentale. Incumentzende dae su [[2020]], Shangai est classificada comente a una tzitade Alpha+ dae su Globalization and World Cities Research Network<ref>{{Tzita web|url=https://www.lboro.ac.uk/gawc/world2020t.html|tìtulu=GaWC - The World According to GaWC 2020|situ=www.lboro.ac.uk|limba=en|atzessu=2021-12-05}}</ref> e classificada comente su de tres tzentros finantziàrios prus cumpetitivos e mannos de su mundu a pustis de [[New York City|Noa York]] e [[Londra]] dae su Global Financial Centres Index<ref>{{Tzita publicatzione|annu=2020|mese=cabudanni|tìtulu=The Global Financial Centres Index 28|url=https://www.longfinance.net/media/documents/GFCI_28_Full_Report_2020.09.25_v1.1.pdf}}</ref>. Tenet sa prus retze metropolitana manna de su mundu, su de ses nùmeros prus artos de milliardàrios, sa de chimbe produtziones de chirca sientìfica e istitutziones educativas de artu livellu, comente s'Universidade Fudan, s'Universidade Jiao Tong de Shangai, s'Universidade Tongji, s'Universidade Normale de sa Tzina orientale, s'Universidade de Shangai, s'Universidade de Finàntzia e Economia de Shangai e s'Universidade de Iscièntzia e Tecnologia de sa Tzina orientale.