Samugheo: diferèntzias tra is versiones

'''Samugheu''' est una [[bidda]] de 3.509 bividores e s’agatat in sa [[Provìntzia de Aristanis]] in su [[Mandrolisai]]. Est collocada a 400 metros e prus in s’artura de su mare, allàcanat cun [[Barbaxana]], [[Campidanu]] de Fordongianus e [[Asune]], e cun su [[Barigadu]]. Su territoriu de Samugheu s’estendet pro 80 chilometros, e sas biddas cussorgiales sunt:a parte dee susu, [[Busache]], [[Ortueri]] e [[Srògunu]], a s’ala de manca cun [[Allai]] e [[Arruinas]], a parte de jossu cun [[Sune]] e a s’ala de destra [[Atzara]], [[Meana]] e [[Làcana]]. Est una zona rica de binzas e tancas de laore, cun baddes e rios, cun sirbones e crabiolos, crabas arestes e matzones, astores, unturzos e abbilas, sa punta prus arta de totus sos montes arribat a 660 metros de artura. Est connota pro su tessinzu e s’arranda, pro sos bellos costùmenes de fèmina e de òmine, ricos e bene repuntados. Su costùmene de s’omine est cumpostu dae sa ''camisa'', de linu o codone, dae sa ''berrita'', de orbatze o pannetu nieddu, dae su ''cossu'', chi est repuntadu cun sos rollos azurros e interamente fatu de veludu blu, dae su ''bragallitu'' (nomenadu ''chintzullu'' o ''‘raga niedda'') chi podet essere fata de orbatze o pannetu nieddu, dae sas ''bragas biancas'' (o canudas) fatas de linu o codone, dae sas ''cartzas''e a bortas nche fut fintzes su ''apotinu'' de orbatze e velludu, e su ''gabbanu'', longu-longu de orbatze niedda. Su dee sa fèmina est meda bellu, cun sas ''chintas'' de orbatze niedda o rubia, sas chintas sunt duas: sa ''‘e ‘nantis'' e sa ''‘e palas''. Sa ''‘e palas'' est prissetada, e jughet fitas de seda, e a su fundu unu rollu de seda birde, sa ''chinta ‘e ‘nantis'', imbetzes, est totu de orbatze, ma no prissetada, pro ite andat repuntada, e est rollada, custa puru, dae seda birde. Jughet sa ''camisa'', repuntada, e tenta firma dae su ''cropitu'', de brocadu o de velludu, cun rollos rubios, subra su ''cropitu'' e sa camisa andat postu su ''Cipone'', de brocadu nieddu, blu o druchesadu, e est a manigas longas. Sos ''liongios'' fint in origine 18, ma cun su passare de su tenpus, sos liongios non s’impreaiant prus, e como sunt 7.▼

Sos ballos de sa bidda sunt: s’''orrosciada'', sa ''dantza'', su ''ballitu'', sos ''tres passos'', su ''passu torradu'', su ''ballu sadru'', sa ''treghenta'', chi sunt sonados a sonete, a fisarmòniga, trunfa, pitariolu, launeddas e cun su tenore.▼

In Samugheu s’agatant fintzes sos ''Mamutzones'', sos ''‘omadores'', s’''Urtzu'', e su ''Carru 'e Santu Minchilleo'', mascheras traditzionales de su Carrasegare samughesu.▼