Òrdine de Santu Beneitu

Benedettinos Un'Ordine monasticu fundadu dae santu Beneittu, naschidu a Norcia in su 480. Dae giovanu est andadu a Roma po istudiare, ma ada intesu su disizu de si retirare a faghere vida eremitica in d'una gruta affaca a Subiaco. A poi de una esperientzia negativa comente superiore de tzeltos monacos, est andadu a vivere a Montecassino, inue ada incomintzadu a fraigare unu monasterriu mannu po monacos chi bi accudiana meda numerosos. Ada iscritu sa Regula, guida sapiente po agiuare sos monacos in sa via de Deus. Sa sintesi est in una frase: Ora et labora, prega e trabaglia. S'Ordine s'est immanniadu e s'est difusu in tota Europa. Sos monacos benedettinos sunu istados benemeritos ca ana dissodadu terrinos meda chi funi abbandonados; ca ana trascritu sos liberos antigos, sa Bibbia e-i sos testos classicos ( dae parte de sos amanuenses); ca ana creadu bibliotecas e iscolas. Sos benedettinos ana dadu medas pabas a sa Creja. Montecassino est istadu bombardadu e distruttu durante s'ultima gherra mondiale dae sos americanos. A sa fine de sa gherra l'ana ricostruidu comente fudi, e gai esistidi. Sos benedettinos sunu ancora meda presentes cun divescios monasterios in varia natziones. In Sardigna b'est unu monasteriu benedettinu a Santu Pedru de Sorres, affaca a Borutta, in su Tataresu.