Tertenia: diferèntzias tra is versiones

 

== Istòria ==

Sas primas rastas de insediamentos umanos in su territoriu de Tertenia sunt de su [[Neolitico]]. Sos ritrovamentos de trastos, de buncones de sterzos e àstulas de perda cròbina in d'unas grutas in sa zona de ''Juilea'' sunt sas testimonzas de su naradu (Cannas, 1989). Ma sas rastas prus importantes sunt de su [[Eneolitico]], sunt testimonzos sos 67 nuraghes ispainados in totu su territoriu e sas numerosas tumbas de Zigantes. Segundu Spano, unu de sos pagos istoricos chi faeddant de Tertenia, su nòmene Tertenia derivat dae su fenìciu Tzar, chi cheret narrere fortetza, pro ite sa bidda s'agatat in costa, segundu ateros istoricos, derivat dae "dardanos" o "tartanos" (ateru nòmene de sos troyanos). Segundu La Marmora, intra sos Sarcopitanos (abitantes de su [[Sarrabus]]) e sos Sulsitanos (abitantes de sa zona de [[Tortuelie]]) bi furent sos Saralapenses, abitantes de Saralapis dae su cale derivat su nòmene Sarrala (sa marina terteniesa). Custu est atzertadu dae una còpia de carta de Tolomeo de su 1462 in sa cale s'agatat Sarala. Segundu sa traditzione de su logu in antis sa bidda fut in sa marina e petzi a pustis a sas incursiones de sos Vandalos e de sos moros est istada abbandonada dae sos abitantes suos chi aiant preferidu logos prus seguros a s'internu dae custas popolatziones sunt naschidas Tertenia e Gàiru. Tertenia in antis fut in sa costa prus arta mutida ''Juilea'', abbandonada a pustis pro ite ca su terrinu non fut stabile mansimu in s'yerru pro s'ispostare prus a jossu in ue s'agatat in die de oe.