Gianfranco Zola: diferèntzias tra is versiones

Content deleted Content added
No edit summary
No edit summary
Lìnia 3:
Segunda punta, est istadu unu nùmeru deghe clàssicu; lestru, fantasiosu, malu a lu marcare, e capatzu de sinzare in onzi manera. Sena duda peruna, est istadu su zogadore [[sardu]] prus forte de semper e unu de sos mezus in Itàlia, in sas ùrtimas dècadas. Cun su cumportamentu suo semper curretu, est istadu unu campione in intro e in foras de su campu.
 
At cumintzadu a zogare in sa Corrasi, iscuadra de sa bidda sua, e in su 1984/85 est coladu a sa Nuorese in sèrie C2. In su 1986/87 est andadu a sa [[Torres calcio|Torres]] binchende su campionadu de C2; pro duos annos s'est postu in mustra in C1 e in su 1989/90, comporadu dae su [[Napoli]], at fatu s'esòrdiu in sèrie A binchende s'iscudetu cun s'iscuadra de [[Maradona]]. S'annu imbeniente at bintu finas sa Supercopa Italiana e est devènnidu s'erede de Maradona chi aiat dassadu su Napoli. S'esperièntzia napuletana est fundamentale; devenit unu de sos zogadores prus fortes in Itàlia, famadu pro sos tiros de punitzione e pro sa fantàsia de su zogu suo, tantu chi in su 1991 est arribadu a bestire sa màllia biaita de sa natzionale italiana. Dae su 1993/94 a su 1995/96 at disputadu tres istajones cun su Parma, semper a livellos artos meda, binchende sa Supercopa Europea in su 1993/94 e sa Copa UEFA in su 1994/95.
 
In su 1996/97, a istajone zai cumintzada, at dassadu s'Itàlia andende a zogare in Inghilterra cun su Chelsea; in pagu tempus est devènnidu su bandelarzu de s'iscuadra londinesa, istimadu dae cumpanzos e tifosos e respetadu dae sos aversàrios. Cun sa màllia de sos "blue's", chi dae annos medas non binchiant nudda, cunchistat sa Copa de Inghilterra in su 1996/97 e in su 1999/2000, sa Copa de sas Copas e sa Copa de Lega Inglesa in su 1997/98, sa Supercopa Europea in su 1998/99 e sa Supercopa Inglesa in su 2000/2001. "Magic Box", comente lu mutint sos tifosos de su Chelsea, est istadu nominadu su mezus zogadore de su campionadu inglesu in su 1997; in su 2003 est istadu elèghidu su mezus zogadore de semper in s'istòria de su Chelsea.