Paulu de Tarsu: diferèntzias tra is versiones

Su nomene sou fudi Saulo. Est naschidu a Tarso, in Cilicia, in sa [[Turchia]] de oe, discipulu de Gamaliele, e fudi unu rabbinu de su gruppu de sos Fariseos. Ada connottu sos cristianos e los ada cumbattidos comente ebreos arrennegados. Andende a [[Damasco]], càpitada unu incontru cun Gesu Cristu, chi cambiada sa vida de custu persecutore de sos cristianos. Retzidi su batijimu, e divèntada cristianu, e preigadore de sa fide cristiana. Paulu ada lassadu una impronta manna in sa fide cristiana. Si consìderada unu apostolu, mandadu a preigare e a cunvertire a sa fide in Gesu Cristu prima sos ebreos e a poi sos paganos, dedichendesi propiu a custos: “apostolu de sos gentiles” est a narrere de sos paganos. Custa est istada una decisione fundamentale po sa creja cristiana. A Paulu si devede chi no esserat obbligatoria sa circoncisione po diventare cristianu. Omine attivu, faghede tres viaggios missionarios e fundada comunidades cristianas in [[Greghia]], e in Asia Minore, sa Turchia de oe, chi poi sighidi iscrinde Litteras, importantes po sa connoschentzia de Paulu e de sa fide cristiana, e po sa ricchesa de contenutos. Ada iscrittu 13 Litteras. Importantes sa Littera a sos Romanos, sa Prima e-i sa Segunda a sos Corintzios, sa Littera a sos Gàlatas, a sos Efesinos, sa Prima e-i sa Segunda a sos cristianos de Tessalonica e ateras. Arrestadu a Gerusalemme, e accusadu dae sos ebreos de eresia, sigomente fudi tzittadinu romanu, est giuttu a [[Roma]] po essere giudigadu, e poi de unu viaggiu avventurosu, cun naufragiu a [[Malta]], arrivada a Roma. Inoghe podede incontrare personas e faeddare de Gesù Cristu, e parede, chi epada fundadu o contribuidu a fundare una comunidade de cristianos, e a custa imbiada sa Littera a sos Romanos. Moridi a Roma decapitadu su 67 ca. Sa festa su 29 de lampadas. Sa fregura e-i sa vida de Paulu ada ispiradu sos artistas, pintores e iscultores ( po esempiu [[Caravaggio]]).