Elena Ledda: diferèntzias tra is versiones

Content deleted Content added
mNo edit summary
mNo edit summary
Lìnia 1:
Naschida in [[Selargius]] in su 1959, '''Elena Ledda''' ja dae minore hat contivizadu s'istudiu de sas artes e de pretzisu de sa musica. Difattis hat istudiadu in su conservatoriu de [[Cagliari]] s'oboe e su cantu. Cun sos annos cando est bennidu su momentu de seberare issa hat preferidu a una carriera de [[soprano]] su [[cantu sardu]].
In su [[1979]] hat bogadu su primu discu "''Ammentos''", umpare a [[Mauro Palmas]] chi est istadu su cumpagnu de trabagliu de sempre. Cun isse creeidi su gruppu jamadu [[Suonofficina]], in cui hant isperimentadu formas noas de su cantu sardu cun arrangiamentos noos. Paret chi sos istudios chi hant fattu Mauro e Elena siant in calchi modu cullegados cun cussos fattos dae [[Luciano Berio]] in su 1964 in sos [[Folk Songs]] chi haiat iscrittu pro sa muzere sa cantante mesusopranu [[Cathy Berberian]], cantos populares de varias natziones de su mundu. In mesu ai cussos cantos b'haiat puru unu muttu sardu intitoladu '''Mottettu de tristura''' cantadu dae sa Berberian cun originalidade e sentimentu. In cussu cantu si notant ja unu zertu tipu de arrangiamentu chi hat a influenzare isperienzias de su [[Crossover (musica)|crossover]] chi si sunt isviluppadas in sa musica folcloristica dae sos annos 80 in poi.
In su [[1984]] est bessidu s'album "''Is Arrosas''". In cussos annos Elena Ledda s'est fatta connoschere dae su pubbricu sardu de massa bessende ortas meda in [[Videolina]] in su programma televisivu [[Sardegna Canta]]. Ma in su matessi tempus issa hat continuadu a chircare attera istradas, infattis in cussos annos collaborat cun artistas comente [[Andreas Vollenweider]], connottu comente su re de sa [[new age]]. Intantu su gruppu Suonofficina diventat [[Sonos]].