Bàscia Sassònia

Coordinadas: 52°45′22″N 9°23′35″E / 52.756111°N 9.393056°E52.756111; 9.393056

Artìculu in LSC

Sa Bàscia Sassònia (in tedescu: Niedersachsen; in olandesu: Nedersaksen) est unu de sos sèighi istados federados de Germània. Posta in su nord-ovest, fiat costituidu su 1946 e currispondet a sa parte otzidentale de sa Sassònia istòrica. Cun 47.614,07 km² de istèrrida e unos 8 milliones de bividores est su segundu istadu federale pro tirada a fatu de Baviera e su bator pro populatzione. Sa capitale est Hannover.

In su norte si ghetat a su mare de su Norte, làcanat cun sa tzitade istadu de Amburgu e cun su Land de Schleswig Holstein, in su nord-estu cun su Meclenburgu-Pomerània Otzidentale, in s'estu cun sa Sassònia-Anhalt, in su sud-estu cun sa Turìngia, in su sud cun s'Àssia e in su sud-ovest cun su Renània de su Norte-Westfàlia. Annotamala sa tzitade istadu de Brema (Freie Hansestadt Brema; Tzitade Lìbera Anseàtica de Brema) format duos incravamentos chentza de continuidade territoriale in intro de sa Bàscia Sassònia.

In unas cantas zonas rurales si sighit a faeddare galu su bàsciu tedescu o bassu sàssone (Plattdüütsch), e in su distretu de Cloppenburg, su frisone orientale (Seeltersk).

Àteros progetos modìfica

Wikimedia Commons tenet files chi ligant a: Bàscia Sassònia

	Germània
Istados federados	Àssia - Baden-Württemberg - Bàscia Sassònia - Baviera - Brandeburgu - Meclemburgu-Pomerània Otzidentale - Renània de su Norte-Westfàlia - Renània-Palatinadu - Saarland - Sassònia - Sassònia-Anhalt - Schleswig-Holstein - Turìngia -
Tzitades istadu	Berlinu - Brema - Amburgu