Chorizo

Artìculu in LSC

Su Chorizo (chouriço in portoghesu, chorizu in asturianu, chourizo in galitzianu, xoriço in catalanu) est unu tèrmine chi indicat numerosos tipos de sartitzus (casi semper cun base de petza de boe o porcu e ispetziados cun pàprica (pimenton)) tìpicos de sa penìsola ibèrica (Portugallu, Ispagna, Gibilterra e Andorra) e de carchi ex colònia ispagnola (Portu Ricu, Repùblica Dominicana, Filipinas, Colòmbia, Messico, Argentina, Uruguay).

Sartitzus estremegnus: chorizos (a manca) e farinheiras

Caraterìstica de su chorizo est ca sa petza de porcu no est molida,est acapulada de manera grussera e cundida cun sales, cun paprica durche o picante. Est sa pàprica (pimenton) chi ddi donat su tìpicu colore ruju e su caraterìsticu sabore.

Su chorizo vela tenet una forma fina e allonghiada e est cundidu cun paprica picante. Su morcón de chorizo tenet una formabastinatza e grussa, est assacadu in s'istintinu tzurpu e est cundidu cun àgiu e pàprica durche.