Custu artìculu est iscritu in sa grafia campidanesa. Abbàida sas àteras bariedades gràficas:

logudoresu · LSC · nugoresu

Ddis narant frùtora o fruta a cuddus frutus pigaus de prantas coltivadas o arestis chi, po sabori, fragu e propiedadis nutritivas, si papant de sòlitu friscas, comenti suci o durci, una borta chi bessit madura, o apustis de dda coi.[1]

Frùtora in su mercau munitzipali de São Paulo

Su consumu de frùtora bitit pagu calorias e una percentuali arta de àcua (intra su 80 e su 95% de su pesu friscu), faendi s'idratatzioni prus fàcili po s'organismu.[2] In prus, agiudat sa concoidura, bitendi-ndi fibras alimentàrias.[2] A foras de unas cantu ecetzionis (po esempru, su cocu), sa fruta no portat grassus saturaus. Calincunu frutu, comenti sa fruta sica e s'avogau, est fonti de àcidus grassus essentzialis po s'organismu.[2] Sa fruta est fintzas una fonti de importu de energia po s'organismu, ca cuntenit idraus de carbòniu solùbilis a disponibilidadi ràpida.[2]

Comenti alimentu, sa frùtora est de importu mannu po sa saludi umana. In generali, est arrica de vitaminas, salis mineralis e antiossidantis.[2] Unas cantu vitaminas e mineralis, comenti sa vitamina C e sa pudassa, benint pruschetotu de sa fruta in s'alimentatzioni umana.[2]

Riferimentus modìfica

  1. (ES) Dr Iván Chile Martínez, Nutrición Cronobiológica Y Bioenergética (Edición Blanco Y Negro): El Eslabón Perdido De La Alimentación, Palibrio, 8 maju 2015, ISBN 978-1-5065-0331-8. URL consultadu su 16 ghennàrgiu 2022.
  2. 2.0 2.1 2.2 2.3 2.4 2.5 (EN) Vicente, A.R.; Manganaris, G.A.; Sozzi, G.O.; Crisosto, C.H., Nutritional quality of fruits and vegetables (PDF), in Florkowski, W.J.; Shewfelt, R.L.; Brueckner, B.; Prussia, S.E. (a incuru de), Postharvest Handling: A Systems Approach, 2ª ed., Ámsterdam, Elsevier, 2009, pp. 57-106, ISBN 978-0-12-374112-7. Otro enlace al mismo trabajo

Bibliografia modìfica

  • Vicente, A.R.; Manganaris, G.A.; Sozzi, G.O.; Crisosto, C.H. (2009). Nutritional quality of fruits and vegetables, pp. 57-106. En: Florkowski, W.J.; Shewfelt, R.L.; Brueckner, B.; Prussia, S.E. (eds.), Postharvest Handling: A Systems Approach, 2nd ed. Ámsterdam (The Netherlands): Elsevier. ISBN 978-0-12-374112-7.