Frantza metropolitana

Coordinadas: 46°N 2°E / 46°N 2°E46; 2


Artìculu in LSC

Su trèmene Frantza metropolitana (in frantzesu France métropolitaine, o simplemente la Métropole) si referit a su territòriu de sa Repùblica frantzesa in Europa, incluende·nche s'ìsula de Còrsica. S'impreat in cuntrapostu a is dipendèntzias in is àteros continentes, formadas dae isuleddas ispopuladas, ìsulas e territòrios colonizados partende dae su de 16 sèculos in Amèrica, Àfrica, Àsia, Otzeània e Antàrticu. Custos territòrios, chi in die de oe ant pèrdidu su nùmene de colònias, oe s'adobiant in is dipendèntzias naradas ultramarinas (la France d'outre-mer, o collochialmente, is DROM-TOM in frantzesu). Su trèmine frantzesu Métropole benit dae s'època coloniale frantzesa, dae su de 16 sèculos a su de 20, durante sa cale si faghiat riferimentu a sa Frantza continentale cun nùmene de métropole o, est a nàrrere sa "metròpoli". In is territòrios frantzesos de foras de Europa, is bividores de sa Frantza europea sunt in collochialmente narados, in frantzesu, métros, de métropolitains, o zoreilles. Sa Frantza europea est sa "Frantza", simplemente, chi costumat bènnere a conca pro prima a sa majoria de bividores de sos àteros istados europeos.

Mapa de sa Frantza metropolitana

Sa Frantza europea, escluende s'ìsula de Còrsica, fatu·fatu est mentovada, in frantzesu, che Frantza continentale (in frantzesu, la France continentale o fintzas le continent). In realidade est un'abusu de su limbàgiu, dae chi mancu sa Gujana Frantzesa est un'ìsula.

Pro sa forma aprossimada chi ddi dant is fronteras continentales suas, sa Frantza continentale puru retzit su nomìngiu de s'Esàgonu (l'Hexagone). In realidade, cando is giornalistas frantzesos faeddant de s'Esàgonu costumant si refèrrere a totu sa Frantza europea (est a nàrrere, no escluent Còrsica) cando no fintzas a totu Frantza.