Artìculu in LSC

S'Ikurrina (in ispagnolu Ikurriña) est sa bandera creada in su 1894 dae sos frades Luis e Sabino Arana (fundadore de su PNB, Partidu Natzionalista Bascu), comente sìmbulu de su Paisu Bascu (Euskal Herria in bascu) de Ispagna e Frantza e chi in comintzu s'identificaiat in sa provìntzia ispagnola de Biscaglia.

S'Ikurrina, sa bandera basca.

Subra isfundu ruju (colore de sa Biscaglia), subra su cale si acaddat a una rughe birde, sìmbulu de santu Andrìa, patronu de Biscaglia, e una bianca, sìmbulu de sa religione catolica. S'ammenta sa bandera de su Regna Unidu e forsis est sa manna ammiratzione tenta dae Arana pro s'Iscotzia (sa cale bandera est issa puru una rughe de Santu Andrìa) est istada ispiradora pro s'ideatzione de cudda basca.

Segundu una àtera interpretatzione sa rughe birde dat rapresentare s'Àrbore de Guernica e s'ammenta de sas lìnias orizontales, verticales e diagonales subra fundu ruju s'iscudu de Navarra.

Puru sa paràula ikur'ina est una creatzione de sos frades Pérez de Arana, unu neologismu chi etimologicamente deriva dae ikur (sìmbulu), intesu comente tradutzione basca de bandera.

S'ikurrina, ispodessande sìmbulos antigos comente s'àbbila niedda de su Regnu de Pamplona (arrano beltza) est istadu adotada comente istemma ufitziale dae su partidu indipendentista in su 1934 e comente sìmbulu de sa regione ispagnola de sos Paisos Bascos in sos annos setanta.

S'ikurrina est puru unu de sos sìmbulos chi aparet in sa bandera de Saint-Pierre e Miquelon, comunidade frantzesa in Amèrica Setentrionale, a testimonia de s'eredade culturale basca.