Articulu in nugoresu

Sos Ilienses o Ioleos fint una populassione antica sarda de s'epoca nuraghesa.

Populassiones nuraghesas; sos Ilienses sun marcàos in grògu.

Istòria modìfica

In sa mitologia antica custa populassione benit dae sos tempos de Iolau, s'eroe chi aìat juttu in Sardigna, in ube aìat fundàu una colunia, carchi fizu de Eracle; pro sos latinos fint in Sardigna ca sos de Troia, nàda fìntzas Iliu, si aìant mòghiu in cughe a pùstis de cando sa tzittade fit rùtta: pro custu si naran Ioleos, populassione chi pro Pomponiu Mela fit sa prus antica de tottu s'isula. Posta a banda sa paristòria, pro s'archeologia sos Ilienses fint bènnios dae su Mare de Mesu orientale, mancàri cumpartìnde s'identitade chin sos fentomàos Shardana.

Cando sa Sardigna si l'ant picàda sos punicos e romanos, parte de sos Ilienses, impare a sos Balaros e Cossos, si fit retiràda in su trettu de muntagna connòttu comente Barbàgia pro menzus paràre fronte a sos invadores. In su 177 A.C., nàchi sos Balares e Ilienses aìant chircàu de che furriàre sos romanos ma los aìat bìntos Tiberiu Graccu su Betzu.