Kinshasa

Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu

Kinshasa (in lingala: Kinsásá; fintzas a su 3 de maju 1966 in frantzesu Léopoldville o, prus pagu connotu, in olandesu Leopoldstad) est sa capitale e sa prus tzitade manna de sa Repùblica Democràtica de su Congo. S'àrea metropolitana sua est sa de tres prus mannas de Àfrica cun prus de 17.000.000 de bividores a pustis de sa de Su Càiru e sa de Lagos. In s'ordinamentu amministrativu de su paisu, Kinshasa est siat una tzitade siat una provìntzia (in manera anàlogu a Parigi in s'ordinamentu frantzesu, chi est siat una tzitade siat unu dipartimentu).

Bista aèrea

Posidura in sa Repùblica Democràtica de su Congo

Kinshasa est sa prima tzitade de limba frantzesa a su mundu, in antis a Parigi e Montréal. Kinshasa s'agatat acanta meda a Brazzaville, capitale de sa Repùblica de su Congo. Ddas istèsiat isceti su Riu Congo, su chi nde faghet sas duas capitales prus a curtzu de su mundu, a pustis de Roma e Tzitade de su Vaticanu.