Limbas de sa Cina
Articulu in nugoresu
Sas limbas de sa Tzìna sunt sas limbas chi sos 56 grupos etnicos reconnòtos faveddant in Tzina. In Tzina sa limba prus forte, chi si ischirriat in paritzos limbazos diferentes, si connoschet chin su lùmen de Hanyu (tzinesu: 汉语; tzinesu tradissionale: 漢語; pinyin: Hànyǔ) e s'istudiu suo est unu campu accademicu a banda. Hanyu, o limba Han, tenet 8 dialetos in sinu suo: sas diferentzias sunt goi mannas chi s'unu non si podet cumprender pro chie connoschet s'atteru. Sas limbas chi tenent prus amparu e istudiu in Tzina sun su mongolu, su tibetanu, Uyghur e Zhuang. Sicundu a Ethnologue, sa Tzina tenet 292 limbas galu vivas e una limba morta (Jurchen).
Su tzinesu istandard, connotu in Tzina comente Putonghua, est una variedade de su Mandarinu e in continente est sa limba nassionale e uffitziale: issu si fundat in su Beijing e si faveddat péri tottu sa Tzina nord/sudotzidentale chind una cantitade manna de dialettos. Sicomente fachet de limba franca in prus o mancu parte manna de sa Tzina, bi at unu balanzu mannu sotziale, economicu e péri praticu in s'uffitzialidade de su Putonghua.
Sas lezes tzinesas non balent pro Hong Kong o Macau e, duncas, custos tretos tenent unu limbazu, su cantonesu, chi est a diversu dae cussu continentale.
In prus, est a ammentare chi sas regiones autonomas tenent limbas uffitziales in prus chi lis sunt reconnotas. Pro esempiu, su tibetanu est uffitziale in sa Regione Autonoma de su Tibet e su mongolu lu est in Mongolia.