Quora
Articulu in nugoresu
Quora est unu zassu internet totu dedicau a s'informatzione, in ube sa zente podet pubblicare dimandas e respostas in pitzus de calesisiat argumentu. Quora ponet a pare dimandas e respostas a secunda de s'argumentu, e permittit de votare o azùngher cumentos. Ateros zassos in concurrentzia sun cussos chi fachen sa matessi cosa, comente Yahoo! Answers, Answerbag e Answers.com.
Istòria modìfica
Quora est unu zassu chi an fundau duos chi traballaban in Facebook, Adam D'Angelo e Charlie Cheever. Lu an fattu in su mese de lampadas de 2009 in Palo Alto, California, postu su zassu comente beta privada in su mese de Nadale de su matessi annu e apertu a totus in su 21 de lampadas de su 2010[1]. D'Angelo si at dimìtiu dae CTO (Chief technical officer) de su social network de Mark Zuckerberg in jannarju, pro dare luche a su prozettu[2], e at narau chi at fundau Quora ca no bi aìat unu situ gai fattu bene, mancari bi nde sian chi fachen sa matessi cosa[3].
In su mese de martzu de su 2010 Quora at collìu finantziamentos dae sa Benchmark Capital, chi li at dau unu balore de unos 86 miliones de dollaros[4] ma, tra sa fine de s'annu 2010 e su cumintzu de cussu imbeniente, su zassu est creschiu meda in presse, tantu de zirare male pro poder intrare in su situ[5][6].
In su 2011 contabat prus de 500.000 utentes[7]. A cumintzare dae su mese de aprile de su 2012, fachet a bi intrare fintzas dae s'Italia.
Ateras boches modìfica
Referentzias modìfica
- ↑ Quora's Highly Praised Q&A Service Launches To The Public (And The Real Test Begins)
- ↑ Why I Quit My CTO Job At Facebook And Started Quora, Business Insider
- ↑ The Mystery Behind Quora, Boston Innovation, in bostinno.streetwise.co. URL consultadu su 4 maju 2016 (archiviadu dae s'url originale su 14 freàrgiu 2017).
- ↑ Benchmark Invests at $86 Million Valuation, TechCrunch
- ↑ Quora Signups Explode, TechCrunch
- ↑ Quora Signups Exploded In Late December — Then Doubled From That This Week, TechCrunch
- ↑ E adesso Quora sfida Facebook, Corriere della Sera