Tùnisi

Artìculu in LSC

Tùnisi (in àrabu: تونس‎, Tūnis, in frantzesu Tunis, giornalisticamente narada fintzas Cartàgine) est una tzitade de s'Àfrica setentrionale cun 1.073.533 bividores (cunsiderende governatoradu in s'interi), capitale e portu màssimu de sa Tunisia (de chi est fintzas sa tzitade prus populada). S'agatat in is ribas de una laguna acanta s'antiga Cartàgine, acapiada a su mare Mediterràneu de unu canale navigàbile de unos 10 km chi dda ùunit a s'avamportu de La Goulette.

Tùnisi

Nàschida che biddighedda modesta a s'umbra de Cartàgine, Kairouan e Mahdia, Tùnisi est in fines istada designada a capitale su 20 cabudanni 1159 (5 ramadan 554, pro su calendàriu musulmanu) pro voluntade de sa dinastia de sos Almohades, a pustis cunfirmada intro s'istatutu pròpiu in suta de sa dinastia hafside in su 1228 e fintzas a s'indipendèntzia de su paisu, su 20 martzu 1956.

Tunisi est sa capitale econòmica e cumertziale de sa Tunisia. Sa densidade de sa retza istradale, autostradale e de s'istrutura aeroportuale de sa tzitade nde faghent unu puntu de cunvergèntzia pro is trasportos natzionales. Custa situatzione est su resurtadu de una evolutzione longa, in piessignu de su cuntzetu tzentralìsticu chi at dadu unu rolu de cunsideru a sa capitale e chi at fatu de manera chi si bi cuntzentrarent is istitutziones printzipales.