Tele Costa Smeralda
Limba Sarda Comuna. Abbàida sas àteras bariedades gràficas:
Tele Costa Smeralda est un'emitente televisiva chi òperat in Sardigna.
Istòria modìfica
S'emitente naschet in sos primos annos de su 1980, in su prenu de su boom de sas televisiones privadas. Fundada in Cannigione, a pustis de unu perìodu in ue produsiat in loco, tenet unu perìodu de collaboratzione chin medas retzas natzionales de importu.[1]
Intre su 1982 e su 1983 intrat in sa retza de Italia1 (in antis amministrada dae Emilio Rusconi e a pustis dae sa Fininvest) e trasmitit sa programmatzione regionale sua pro sa Sardigna.
Unos cantos annos a pustis, benit comporada dae Nichi Grauso, chi a su tempus teniat sa prima emitente televisiva sarda (Videolina, ndr) e àteras emitentes de importu, che a "La Voce Sarda", afirmende·si in su panorama televisivu sardu. Est semper Grauso a tramudare sa sede sua dae Cannigione a Casteddu.
Dae su 1u de martzu de su 1985 intrat in sa re-difusione Euro TV, e dae su 4 de santugaine 1987 in su tzircùitu Italia 7 de sa Fininvest.
Dae sos primos annos duamìgia, essida dae Europa 7 (nùmene nou de Italia 7), non si ligat prus a àteros canales, limitende·si a trasmìtere in unas cantas fàscias oràrias sos programmas de 24ore.tv e Sat2000.
Dae sos annos '90, intrada in su matessi grupu editoriale de s'Unione Sarda e de Videolina, s'emitente torrat a trasmitere programmas suos. Unu de sos prus nòdidos est su programma istòricu Zona franca, curadu e presentadu dae Antonello Lai, chi amministrat fintzas sas àteras produtziones de su canale, che a su telediàriu TCS Notizie e a sos programmas Dedalo: alla scoperta della Sardegna, e Viaggio nell'isola del mistero, ideados e presentados dae su giornalista e iscritore Marcello Polastri.
Sa sede sua in Casteddu est istabilida in antis in viale Marconi[1], in sa sede betza de Videolina, e a pustis in pratza L'Unione Sarda.[2]
Riferimentos modìfica
- ↑ 1.0 1.1 (IT) Massimo Emanuelli, Tele Costa Smeralda, in massimoemanuelli.com, 5 nadale 2017. URL consultadu su 16 freàrgiu 2021.
- ↑ (IT) Contatti, in www.telecostasmeralda.tv. URL consultadu su 15 làmpadas 2021.
Ligàmenes esternos modìfica
- (IT) Situ ufitziale, in telecostasmeralda.tv.