The Witcher 3: Wild Hunt

videojòcu de 2015


Articulu in nugoresu

The Witcher 3: Wild Hunt est unu videojocu (action RPG) galu in istadiu de isviluppu dae parte de CD Projekt RED, chi l'at annuntziau a manera uffitziale in su 5 de Fevrarju de su 2013. Su jocu at a essere su 'e tres in sa serie, sichinde a The Witcher e a The Witcher 2: Assassins of Kings basaos issupra sos liberos de su matessi lumen de s'iscritore polacu Andrzej Sapkowski. Est acrarau chi custu at a esser s'urtimu capitulu de s'istoria intrega chi pertocat a Geralt de Rivia.

Isvilupu modìfica

The Witcher 3 at a pònner "unu mundu apertu e prenu de vida prus mannu de calesisiat ateru in s'istoria moderna de sos RPG"; nachi est 30 vortas prus mannu de sos ateros duos jocos de sa saga, pedinde a sos jocadores de andare in nave o andare a caddu. B'at comuncas sa possibilidade de facher unu biazu a lestru pro sos locos iscopertos e ja connottos.

An descrittu The Witcher 3 comente "20% prus mannu de Skyrim" e CD Projekt RED narat chi b'at a chèrrer a misura aprossimativa 100 oras pro arribare a sa fine.

Motore graficu de jocu modìfica

The Witcher 3 at a presentare su novu REDengine 3, chi by CD Projekt RED at isvilupau a bella posta pro sos RPG non lineares ambientaos ind unu mundu mannu meda.

Comente in sos atteros duos jocos de Geralt, b'at a esser un'istoria cumpricada chin isseperu multiplu chi at a battire sas relativas cusseguentzias: nanchi custu lu permitit bene su REDengine chenza sacrificare su mundu chi inghiriat su pessonazu printzipale.