Coordinadas: 20°35′16″S 174°48′37″W / 20.587778°S 174.810278°W-20.587778; -174.810278


Artìculu in LSC

Su Regnu de Tonga est un'istadu de sa Polinèsia, in s'otzèanu Patzìficu, postu unos 700 km a sud-estu de sas Figi e 2.000 a nord-estu de Noa Zelanda. Contat prus de 160 ìsulas e isuleddas (36 de sas cales sunt populadas permanentemente), partzidos in bator artzipèlagos printzipales (Tongatapu, Ha'apai, Vava'u, Niuas). Su nùmene Tonga signìficat «bentu de su sud». Sa capitale est Nuku'alofa.

Bandera
Posidura in su mundu

Su 96% de sa populatzione est de orìgine polinesiana tongalès. Sa religione de majoria, cun unu 41,3%, est sa metodista wesleyana.

S'istadu tenet istèrrida de 748,5 km² e contat unos 105.323 bividores. Sas ìsulas sunt populadas, dae unos 6000 annos faghet, dae sos polinesianos originàrios de su pòpulu lapita, in su sud-estu de s'Àsia. Si bi agatant sas rastas archeològicas prus antigas de sa Polinèsia. Sos tongans ant creadu monumentos megalìticos intre sos cales si distìnghet s'At‘amonga. Est un'arcu de tres pedras de coraddu de 8.900 kg.

Sos primos europeos a agatare sas ìsulas sunt istadas sos olandesos. viàgiu Le Maire e Schouten aiant iscobertu, in su 1616, sas tres ìsulas de su grupu norte. Abel Tasman aiat esploradu, in su 1643, sas ìsulas prus mannas in su sud.

S'inglesu James Cook bi fiat istadu diferentes bortas intre 1773 e 1777, numenende a su grupu ìsulas Amistosas (Friedly Islands) dèpidu a s'acollida calorosa chi bi aiat agatadu.

In s'annu 1900 fiat istabilidu su protetoradu britànnicu, e dae su 1970 est regnu indipendente in s'àmbitu de su Commonwealth. Est sa sola monarchia de sa Polinèsia.

In su Regnu de Tonga s'economia, in sos ùrtimos annos, at connotu unu forte progressu. S'agricultura est su setore printzipale. In s'ìsula de Tongatapu s'est isvilupadu unu parcu industriale, dominadu dae s'indùstria e de s'artesania navale. Su turismu tenet unu rolu fundamentale.

Àteros progetos modìfica