Mercùriu (elementu chìmicu)

Artìculu in LSC

Su mercùriu est un'elementu chìmicu cun sìmbulu Hg e nùmeru atòmicu 80.

Su mercùriu in sa tàula periòdica de is elementos

Si tratat de unu metallu de transitzione grae, chi tenet colore de prata. Est unu de is pagos elementos de sa tàula periòdica (e s'ùnicu metallu in assolutu) a èssere lìchidu a temperadura ambiente, paris comente su bromu e unos àteros elementos. Àteros nùmenes impreados mescamente in su tempus coladu pro inditare su mercùriu sunt arghentu biu e idrargìriu, de su latinu hydrargyrum (Hydrargyrum est su nùmene de cale derivant is lìteras Hg) chi issu e totu derivat de su gregu hydrárgyros, cumpostu dae ὕδωρ, "hydor" (abba) e ἄργυρος, "árgyros" (prata). S'otenet printzipalmente peri ridutzione de sa senobida.