Oremari
|
Custu artìculu est galu unu abbotzu. Lu podes modificare e fàghere mannu e pretzisu. Agiuda·si! |
Articulu in campidanesu
Oremari est una cumpositzioni poètica (a modu de poemetto in forma lìbera) in sardu campidanesu, scritta de Giuliu Angioni e pubblicada in su 2013 in is editzionis de Il Maestrale de Nuoru.
Oremari donat boxi in versus sardus (e poi italianus) a unu crabàrgiu de Fraus chi castiendi su mari sardu de oi fait is cunsiderus suus asuba dei custu mundu:
... Oremari naraus,
po narri óru de mari.
Fueddu antigu tenit hoindi’
duus sentidus nous, de acrarari
che maistru in sa scola.
Balit sa pena. Duncas:
oremari, po narri ora de mari,
ora mai crétia, mai arbitriada,
a is tempus de is antigus,
cust’ora noba de su mari nostru
turìstica, prexada, totu giogus
àinca sbarcàt su turcumoru armau
e immoi lòmpit de mari cancarau
o in jet privau po si ddu comporari,
s’oremari, duncas òru de mari,
ca s’est fatu tot’òru
s’óru de mari abandonau,
mancai no siat òru totu su chi luxit
in terra, in mari biu
e àinca benint a pari
orus orus sa terra cun su mari...
(pàginas 12-14)