Open main menu

Flag of Sardinia, Italy.svg
Artìculu in LSC
Flag of Sardinia, Italy.svg

Logo

Su Partidu Natzionale Fascista incurtzadu PNF (in italianu: Partito Nazionale Fascista) est istadu unu partidu polìticu italianu ativu intre su 1922 e su 1943 (e dae su 1943 a su 1945 sighiat a s'agatare in sa Repùblica Sotziale Italiana cun nùmene de Partidu Fascista Republicanu) espressione de su movimentu fascista.

Nàschidu in su 1921 che cunsighidu de sa mudàntzia de su movimentu Fasci Italiani di Combattimento (Fasches Italianos de Cumbatimentu), aiat ghiadu sa aici narada martza subra Roma chi aiat batidu, in s'atòngiu de su 1922, Benito Mussolini a èssere fatu presidente de su Cussìgiu de sos ministros de su Rennu de Itàlia.

In su 1923 si fiat fùndiu cun s'Assòtziu Natzionalista Italianu e, intre sa metade e sa fine de sos annos binti, fiat divènnidu, in antis de facto, a pustis de iure, su partidu solu de su Rennu de Itàlia fintzas a sa ruta de su regìmene fascista, su 25 de trìulas de su 1943.

S'organu ufitziale de su partidu fiat Il Popolo d'Italia (Su Pòpulu de Itàlia), giornale cotidianu fundadu dae Mussolini in su 1914. S'innu fiat Giovinezza (Giuventude), in sa bortadura de Salvator Gotta de su 1925. Sa lege 20 de su mese de làmparas 1952, n. 645 (aici narada Lege Scelba) in atuamentu de sa de 12 dispositziones transitòrias e finales de sa Costitutzione italiana, preubit chi si torret a costituire su partidu[1].

Segundu s'ideologia fascita su pòpulu italianu fiat s'erede deretu de sos romanos antigos, duncas fiant una ratza superiore a is àteras, pro custa resone punnaiat a s'ispainadura e sa cunchista de cussos territòrios cunsiderados pro deretu de pertenèntzia italiana. Su fascismu s'oponiat a su liberalismu comente fintzas a su sotzialismu e a su marxismu, si proponiat de resàlvere sa luta de classe a traessu sa fraigadura de una sotziedade de tipu corporativu.

NotasModìfica