Produtu Internu Brutu

(Reindiritzadu dae Produtu internu lordu)
Custu artìculu est iscritu cun sa grafia Flag of Sardinia, Italy.svgLimba Sarda ComunaFlag of Sardinia, Italy.svg. Abbàida sas àteras bariedades gràficas:

campidanesu · logudoresu · nugoresu

In economia, su produtu internu brutu (incurtzadu PIB) est una mannària macroeconòmica chi mesurat sa bàlida agregada, a prètzios de mercadu, de totu is benes e is servìtzios finales (est a nàrrere bogados is produtos intermèdios) prodùidos in su territòriu de un'Istadu in unu perìodu temporale dadu (normalmente s'impreat a riferimentu s'annu solare, ma sunt impreados fintzas unos àteros arcos temporales).[1][2] S'est balangiadu una posidura de primore a pitzu de sa capatzidade sua de espressare o simbolegiare su benistare de una colletividade natzionale relativamente a su livellu suo de isvilupu o progressu.

Mapa de su Protutu Internu Brutu pro cada istadu in su 2014

Su tèrmine internu inditat ca custa variàbile cumprendet is fainas econòmicas acumpridas a s'internu de s'Istadu, escluende duncas is benes e servìtzios prodùidos dae sas impresas, de is traballadores e de unos àteros operadores natzionales in s'èsteru (sunt esclùdidas fintzas is prestatziones a tìtulu gratùitu o s'autoconsumu)[3], mentras sunt apo inclùdidos is produtos realizados dae operadores èsteros a s'internu de s'Istadu. Su trèmene brutu inditat imbetzes ca sa bàlida de sa produtzione est a su totale de sos ammortamentos, overas de sa naturale depretziadura de su stock de capitale fìsicu intervènnidu in su perìodu; custa depretziadura cumportat chi, pro non reduire tale dotatzione a disponimentu de su sistema, parte de su produtu depat èssere destinada a s'integru torra suo. Sutraende de su PIB is ammortamentos, s'otenet su PIN (Produtu Internu Netu).

RiferimentosModìfica

  1. Gross domestic product, in britannica.com. URL consultadu su 4 nadale 2016.
  2. Gross domestic product, in investopedia.com. URL consultadu su 4 nadale 2016.
  3. PIL (Dizionario di Economia e Finanza), in treccani.it. URL consultadu su 18 martzu 2019.