Sophie Cottin

Sophie Cottin (Tonneins, 22 de martu 1773 – Parigi, 25 de austu 1807) est istada una iscritora frantzesa. Fatta manna in Tonneins, e poi a Bordeaux, da sa mama chi fit una appassionada de sa literadura e de s'arte, Sophie Ristaud aiat comintzadu dae subitu a s'appassionare issa puru. In su 1790, a vint'annos, si fit cojuada a Jean Paul Marie Cottin, unu riccu banchieri pariginu, lassat a Bordeaux e si trasferit a Parigi. In su 1793, in piena Rivolutzione, Cottin timet gai meda de esse' denuntziadu comente e aristograticu, chi si occhit e gai Sophie restat battìa, passende a un aiu pius modestu, ma bastante pro sos disizos suos chi, in sas ateras cosas, li permittin de contivizare sos interesses suos pro sa literadura chi, daboi de tottu cussas disgrascias, li serviat de consolu. Intantu aiat comintzadu a iscriere chena aer desideriu de rende' pubricu su chi iscriiat. Ma pro una serie de secustantzias, a breve at sa possibilidade chi s'arte sua benzat connotta. Sophie Cottin aiat una curripondentzia epistolare cun d'unu cuginu (male primalzu), custu restat impressionadu dae sa lìtteras de sa cugina. Arrividu a Parigi, manifestat s'ammiratzione sua a sa cugina e chircat de l'incoraggiare a si faghe' connoschere ma issa, sende meda riservada, preferidi de esse' connotta solu dae unu intimu grupu de amigos. Ma sende in istadu de bisonzu, pro chircare de mezorare sa situazione, iscriet in pagas chidas, su romanzu Claire d'Albe chi enit pubricadu, chenza su numene de s'autore, in su 1798.

M.me Cottin, in d'una incisione de Pierre François Bertonnier, pubricada in su 1824

Articulu in logudoresu

Oberas

• Claire d'Albe, 1798, (in italianu: Chiara d'Alba, Sonzogno, Biblioteca universale, 1885)
• Malvina, 1800
• Amélie de Mansfield, 1802, (in italianu: Amelia Mansfield, VI tomos, 2 vv., Michele Stasi librajo, Napoli, 1819-1820)
• Mathilde ou Mémoires tirés de l’histoire des croisades, 1805
• Elisabeth ou les Exilés de Sibérie, 1806
• La Prise de Jéricho, poema in prosa
• Oeuvres complètes de Mme Cottin, Bellavoine, libraire, Paris, 1825, 12 tomes.

Bibliografia

• (fr) Gustave Vapereau, Dictionnaire universel des littératures, Paris, Hachette, 1876, p.533.
• Fernand de Cardaillac, Madame Cottin à Bigorre; 1909, Gallica.
• Madame de ClauzadeUne oubliée: Madame Cottin d'après sa correspondance, éd. Plon-Nourrit, 1914.
• (en) Michael J. Call, Infertility and the novels of Sophie Cottin, èd. University of Delaware Press, 2002, ISBN 0874138078
• Brigitte Louichon, Romancières sentimentales, éd. Presses Universitaires de Vincennes, 2009, ISBN 2842922395
• Huguette Krief (red.), Vivre libre et écrire: Anthologie des romancières de la période révolutionnaire, 1789-1800, éd. Presses Paris Sorbonne, 2005, ISBN 2840503832

Aggantzos dae fora

• Oeuvres complètes de Mme. Cottin (1836)