Sri Lanka

Artìculu in LSC

Su Sri Lanka (AFI: /zriˈlanka/), su cale nùmene ufitziale est Repùblica Democràtica Sotzialista de Sri Lanka (ශ්රී ලංකා in singalesu; இலங்கை in tamìl), connota fintzas che Ceylon ([ˈsilon] nùmene ufitziale fintzas a su 1972), est un'istadu insulare chi s'agatat in Àsia e òcupat s'omònima ìsula a illargu de sa costa sud-orientale de su subcontinente indianu. Pro more de sa particulare forma e de s'agatare meda a curtzu de costera indiana est fintzas narada làmbriga de s'Ìndia. Est parte de su Commonwealth britànnicu.

Bandera

Posidura in su mundu

Cun istèrrida de 65.610 km² e populatzione de unos 21 milliones de persones, su Sri Lanka s'agatat in s'otzèanu Indianu. Sa terra continetale prus a curtzu est s'Ìndia.

S'atuale capitale Sri Jayawardenapura Kotte, sede de su parlamentu de su Sri Lanka, est posta in s'àrea metropolitana de s'ex capitale Colombo; chi est sa prus manna e pobulada tzitade de s'istadu, e mantenet oe, carchi ministèriu e totu sas imbasciadas.