The Squeaky Wheel
campidanesa. Abbàida sas àteras bariedades gràficas:
logudoresu · LSC · nugoresu
The Squeaky Wheel (S'arroda chi tzichìrriat) est su nomìngiu postu de is ascurtadoris de undas curtzas a una statzioni radiofònica chi trasmitit unu sonu caraterìsticu, de innui ndi benit su nòmini, e, a manera ocasionali, messàgius in còdixi.
Stòria modìfica
De su 2000 a su 2008 su sonu arregordàt su de un'arroda chi trìsinat in s'asfaltu, ma in su 2008 est cambiau, imbiendi duus e, apustis, tres tonus alternaus arrepìtius a s'infiniu[1]. Sa frecuèntzia de trasmissioni de s'emissora càmbiat de sa dii a su noti: a de dii trasmitit in 5473 kHz, a de noti in 3828 kHz.[2][3]
Sa trasmissioni acuntessit in modulazioni a banda laterali sìngula cun supressioni de sa banda superiora (USB). Prus bortas su sonu est stètiu firmau po lassai su logu a messàgius de boxi in còdixi, pronuntziaus a su micròfonu de personis beras, siat òminis siat fèminas. Su logu pretzisu de orìgini de sa trasmissioni est disconnotu, ma si creit chi siat acanta de sa tzitadi de Rostov asuba a su Don, in Rùssia[3].
Su sinnali no est bonu meda in s'Europa centrali e a bortas su sonu sparessit po diis, cuau de s'abolotu. Sa trasmissioni s'est intèndia puru me is frecuèntzias 3650 kHz, 3815 kHz, 5474 kHz e 5641 kHz.[4] Sa desinnatzioni Enigma po sa Squeaky Wheel fiat S32, innui "S" sinnìficat "Lìngua slava", ma de su 2000 a su 2005 est stètia cambiada in XSW, sendi chi sa boxi no no si connosciat prus.[5][6]
Riferimentus modìfica
- ↑ (EN) The Squeaky Wheel, in Numbers Stations Research. URL consultadu su 24 làmpadas 2021 (archiviadu dae s'url originale su 10 martzu 2021).
- ↑ (EN) Ary Boender, Numbers and Oddities, in Spooks, vol. 107, 3 austu 2006. URL consultadu su 17 freàrgiu 2015 (archiviadu dae s'url originale su 14 trìulas 2014).
- ↑ 3.0 3.1 (EN) Squeaky Wheel, in numbers-stations.com. URL consultadu su 25 satugaine 2014 (archiviadu dae s'url originale su 26 santugaine 2014).
- ↑ (EN) Mystery Signals of Shortwave, in brogers.dsl.pipex.com, novembre 2008. URL consultadu su 20 làmpadas 2014 (archiviadu dae s'url originale su 19 ghennàrgiu 2018).
- ↑ (EN) MX (PDF), in numbersoddities.nl, 28 trìulas 2011, p. 2. URL consultadu su 18 làmpadas 2014 (archiviadu dae s'url originale su 14 trìulas 2014).
- ↑ (EN) The Squeaky Wheel, in priyom.org. URL consultadu su 20 làmpadas 2014.
Artìculus ligaus modìfica
Collegamentos esternos modìfica
- The Squeaky Wheel, in priyom.org.