Anassimandro

Custu artìculu est iscritu in sa grafia logudoresa. Abbàida sas àteras bariedades gràficas:

campidanesu · LSC · nugoresu

	« Prinzipiu e sos esseres est s'infinidu ... da inue sos esseres hana sa vida, incue hana puru sa destrussione issoro, secundu nezzessidade: issos si pagana unu s'atteru sa pena e s'espiazione de sas ingiustiscias secundu s'ordine 'e su tempus »
	(Anassimandro, in su Simplicio, De physica, 24, 13)

Anassimandro (Mileto Ionia, 610-609 a.C. – 547-546 a.C.) est istadu unu filosofo e cartografu gregu antigu.

Anassimandro (in gregu:Ἀναξίμανδρος) est istadu alunnu de Talete. At teorizzadu s'àpeiron (s'infinidu) e su fattu chi sa terra non fit mantesa dae Atlante o appoggiada a duas colonnas (comente narat sa Bibbia), ma chi olat circundada dae su chelu. Est istadu finzas su primu cartografu.

Biografia

Particulare de sa Iscola de Atene, de Raffaello Sanzio 1510–1511.

Conoschimus paghu de sa vida sua: Diogene Laerzio, ha nadu chi fudi de Mileto e fizzu de unu Prassiade, e raccontada puru unu episodiu particulare secunda a sa cale una olta fudi cantende, e sos pitzinnos in istrada lu funi beffende. Issu tando at rispostu: «Bisonzat de cantare mezzus, pro culpa 'e sos pitzinnos»: custu particulare podet faghere pensare chi issu puntaiada a faghere cumprendere a sos atteros sa veridade chi solu issu connoschiada.