Custu artìculu est iscritu in sa grafia campidanesa. Abbàida sas àteras bariedades gràficas:

logudoresu · LSC · nugoresu

Cun anguli inditaus una pariga de retzetas sardas[1]:

  • su cocoi cun s'ou (o pani cun s'ou), unu tipu de pani cocoi tìpicu de sa traditzioni de Sardìnnia po su perìodu de Pasca Manna. Custu pani podit tenni formas diferentis, de sòlitu animalis, cun un'ou cotu a tostau in mesu;
  • s'anguli 'e cibudda, pratu de sa traditzioni de s'Ollastra.
Cocoi cun s'ou

Su cocoi cun s'ou modìfica

Acinnus stòricus modìfica

Sa costumàntzia de arregalai ous po festai s'arribu de su beranu est antiga meda, cun orìgini in sa Pèrsia antiga, sendi chi s'ou est unu sìmbolu de vida noa. S'evolutzioni prus connota de custa traditzioni est s'ou de Pasca de ciuculati, nàsciu forsis in Frància in su tempus de Luisi XVI o imbentau de is maistus de ciuculati torinesus in su '700. Cun su cristianèsimu, s'ou est bessiu sìmbolu de sa resurretzioni de Gesùs.[2][3]

Su pani modìfica

S'anguli est unu pani de sìmbula traballau a fini cun s'impreu de unus cantu trastus che sa serreta, un'arrasoiedda o fintzas a unga. Est de sòlitu fatu a forma de animaleddus che pillonis o puddas, ma fintzas de gruxi, puba o froris. In sa preparatzioni si ponit un'ou cotu a tostau in mesu e s'arregalat me is diis de Pasca a sa pròpiu manera de s'ou de ciuculati, comenti amosta de stima o po augurai sorti po su benidori. [1][4][5] Ddoi at fintzas variedadis de sa pròpiu retzeta chi no portant s'ou, impreadas in su connotu de is famìlias prus pòberas chi no podiant agiungi s'ou. Un'esempru est sa versioni cun sa mèndula.[1]

S'anguli 'e cibudda modìfica

Est unu pratu pòberu de sa traditzioni ollastrina fatu cun farra, cibudda, casu, lardu de porcu e àterus ingredientis. Ddu coint, candu fait, in su forru a linna asuba a is follas de càuli[6][7]. Si podit papai comenti primu pratu o comenti smurtzu (pastu lestru).[1][8]

Riferimentus modìfica

  1. 1.0 1.1 1.2 1.3 Manuela Ennas, Sa traditzioni de su cocoi cun s’ou po Pasca Manna, in Sardinia Post.
  2. (IT) Giuliana Rotondi, Com'è nata la tradizione delle uova di Pasqua?, in Focus.it.
  3. (IT) Uovo di Pasqua, origine e storia della tradizione, in Sky TG24.
  4. (IT) Coccoi: il pane a pasta dura sardo, in Botteega.
  5. (IT) La ricetta Vistanet di oggi: Coccoi cun s’ou, il pane della tradizione pasquale, in Vistanet.
  6. (IT) S’Anguli e Cibudda - Piatto ogliastrino, in cuordisardegna.com. URL consultadu su 4 abrile 2021 (archiviadu dae s'url originale su 2 austu 2021).
  7. (IT) Marianna Fanelli, Ricetta della settimana: Anguli 'e cipudda, in www.tortohelie.it. URL consultadu su 4 abrile 2021.[ligàmene interrùmpidu]
  8. (IT) Alessandro Aresu, S'Anguli 'e Cibudda, in www.agugliastra.it. URL consultadu su 4 abrile 2021.