Ascurtadura

S'ascurtadura in su deretu protzessuale italianu est unu mèdiu de busca de sa proa tìpigu, sende chi est prebidu e reguladu dae s'art. 266 e sighidores de su còdighe de protzedura penale italianu. Sos òrganos autorizados a la degretare sunt s'Az e sa polima zudissiària italiana.

Impreu e regulativa

Intre sos motivos chi podent zugher a un'ascurtadura bi sunt sos inditzos graes de delitu e su caràtere assolutamente indispensàbile de s'ascurtadura pro poder sodigare sas imbestigaduras, pro sos delitos definidos dae s'art. 266 e a sas cundissiones de s'art. 103, par. 5. In mesu de sos rechisitos, b'est su degretu motivadu dae s'Az a pustis de s'autorizadura de su ZIP.

<<1. S'ascurtadura de arresonadas o comunicaduras telefònigas e de àteras formas de telecomunicadura est autorizada (226 coord.) in sos protzedimentos chi pertocant sos delitos sighidores:

a) delitos no curposos pro sos cales est prebida sa pena perpetuada o de presonia superiore a chimbe annos a s'arrimu de s'art. 4;

b) delitos contra a s'amministradura pùbriga pro sos cales est prebida una pena de presonia no inferiore a chimbe annos a s'arrimu de s'art. 4;

c) delitos chi pertocant sustàntzias trassicadoras o sicotropas;

d) delitos chi pertocant sas armas e sas sustàntzias isprosivas;

e) delitos de contrabandu;

f) delitos de inzurza (594 c.p.), minetza (612 c.p.), molestadura o istrobu de sas pessones (660 c.p.) a mèdiu de su telèfonu;

f bis) delitos prebidos dae s'art. 600-ter (pornografia minorenca), paràgrafu tres, de su còdighe penale.

2. In sos matessi casos, est autorizada s'ascurtadura de comunicaduras intre presentes. Sende gasi, si custas ùrtimas acontessint in sos logos inditados dae s'art. 614 c.p. (bioladura de bividorzu), s'ascurtadura est autorizada petzi si b'at resone fundada de abaliare chi s'atividade criminale si siat isvilupende in ie.

Issa cunsistit in s'atividade destinada a captare comunicaduras e arresonadas, gasi che frussos de comunicaduras informàtigas o telemàtigas peri istrumentos tènnigos. S'ascurtadura tirat a limitare in manera grae unas cantas libertades custitussionales importantes, intre sas calas sa libertade de comunicadura de su pessamentu (art. 15 Cust) e sa libertade in su bividorzu (art. 14 Cust), pro custa resone sunt aprigadas normas protzedurales particulares cun sa finalidade de garantire sa lizitimitade formale e sustantziale de s'atividade. In sa dissiplina de sas ascurtaduras, sunt in fortza sa reserva de leghe e sa reserva de zurisdissione, sende chi sunt prebidas ispressamente dae su Custituimentu. Su còdighe de protzedura penale prebidet lìmites e cundissiones bàsigas, gasi che una dissiplina de protzedimentos meda rigurosa.