Assassinamentu de Stefano Biondi s'azente

S'assassinamentu de Stefano Biondi, un'azente de sa Policaminos naturale de Cervia (Rabenna), fiat acontèssidu su 20 de abrile de 2.004 in s'autocaminu A1, a probe de su peazu de Rezu Emìlia. Fabio Montagnino, de 28 annos, e Michele D'Ambrosio, de 31, ambos cun antetzedentes penales pro delitos contra a sa propiedade, fiant fuende a totu belotzidade a bordu de una Porsche zai dae Casalpusterlengo (Lodi), in ue aiant proadu sena èsitu a realizare un'isrobatòriu. A bordu de s'automòbile trasportaiant duos chilos de cocaìna superpura.

Stefano Biondi s'azente de polima zai aiat terminadu su bussardu suo, peroe aiat intesu peri ràdiu sas notas de busca de una betura. Calicunu aiat bidu una Porsche cun duas pessones in intro disfrassadas a colamontes. Pro custa resone, si fiat postu torra in servìtziu paris cun unu cullega, pro manazuare sas àteras patrullas. In Parma, sa Porsche aiant sufertu un'illenamentu pro more de sas coas, duncas sa Policaminos fiat torrada a apretare. In sas probianias de su peazu de Rezu, in sa logalidade de Mancasale, sa patrulla de Stefano Biondi l'aiat intertzetadu e fiat resèssida a l'arressare dassende-si tumbonare. Comente cabu de patrulla, Biondi nche fiat essidu dae s'automòbile manizende una pistola, cando chi sa Porsche fiat torrada a moer a totu fua istrampende de prenu s'azente, chi aiat boladu in subra de s'asfartu pro 35 metros. Sos bandidos teniant bastante tretu pro releare sa fua, non teniant perunu bisonzu de l'istrampare: sa manobra – cunforme a sas imbestigaduras – fiat istada totarmente intentada. In antis de morrer, Biondi fiat istadu in tempus zustu pro tirare contra a s'isrobadore seìdu in su logu de su passizeri, Michele D'Ambrosio. Sa Porsche, chi fiat abarrada dannada, si fiat arressada unos chentu metros prus in cue e D'Ambrosio, paris cun su sodale suo Fabio Montagnino de 28 annos, chi ghiaiat sa betura e aiat leadu in petus a Biondi, aiat proadu a si nche fuìre a pee, iscaddighende sa retza de tancadura e ferende a s'aparcadorzu de sa cooperativa de trasportos caminales Transcoop. Nche fiat tzucada una cassa a s'òmine cun onzi règula, cun deghinas de patrullas chi partetzipaiant a sas buscas. Pagu ora a pustis, Montagnino e D'Ambrosio fiant istados brocados.

«Est istadu unu mortorzu bàrbaru, de biolèntzia mai intesa», aiat naradu Antonio Sofia su Chestore de Rezu Emìlia. «Un'issena devastadora», aiat annantu Benedetto Pansini su Chestore de Mòdena. Montagnino fiat istadu cundennadu a sa presonia perpetuada, cando chi Michele D'Ambrosio aiat retzidu una pena de 14 annos. Sas cundennas fiant istadas cunfirmadas dae s'Apellu e dae sa Cassadura. A s'ora de sa sentèntzia de sa Corte de Assisas inche su Tribunale de Rezu Emìlia, sa cundenna a perpetuidade de Montagnino, mancari sende assolutamente lòziga dada sa gravidade de su delitu, aiat iscadenadu s'arrènegu de sos custrintos de s'imputadu: in particulare, mama sua si nche fiat zuta a s'ufìssiu de Cristina Beretti, su zuighe chi aiat pronuntziadu sa sentèntzia contra a su fizu, e l'aiat aderetadu paraulas gravosas de òdiu e inzurza. Dae tando, in su Tribunale de Rezu Emìlia no est prus possìbile a atzeder deretamente a sos ufìssios de sos zuighes penales, si nono chi est pretzisu a s'annuntziare in su faeddòfonu e si dassare aberrer unu zannone. Stefano Biuondi aiat retzidu a sa mèmoria sa medalla de oro pro balentia tzivile.