Aung San Suu Kyi
logudoresa. Abbàida sas àteras bariedades gràficas:
campidanesu · LSC · nugoresu
San Suu Kyi Aung (Rangoon, 19 de lampadas 1945) est una polìtiga birmana.Dae annos est ativa pro sa difesa de sos deretos umanos in sa natzione sua sa Birmània, chi est devastada dae annos dae una pesante ditadura militare. Issa est sa leader de unu movimentu non-violentu de ispiratzione gandiana, e pro s'atividade sua at retzidu tantos prèmios, in su 1991 at retzidu su Prèmiu Nobel pro sa paghe.
Poi de tantos annos de arrestos e de presone su 13 de santandria de su 2010 est torrada lìbera.[1]
In annos reghentes, at retzidu crìticas pro sa polìtiga sua, cussiderada tropu dèbile contras de sos abusos sufridos dae sas minorias comente sa de sos Rohingya.[2]
Est istada cussizera de Istadu de sa Birmània, Ministra de sos Afares Èsteros e Ministra de s'Ufìtziu de su Presidente finas a su corfu de istadu de su 1 frearzu 2021, cando est istada arrestada e posta in una presone de Naypydaw.[3] In su mese de Nadale de su matessi annu l'ant cundennada a bator annos de presone cun acusas vàrias, comente s'incuragimentu a sa violatzione de sas normas anti COVID-19, violatzione de su còdighe subra sos segretos de istadu e violatzione de sa lege anti corrutzione.[4]
Riferimentos
modìfica- ↑ (IT) Birmania, liberata Aung San Suu Kyi, in Il Fatto Quotidiano, 13 santandria 2010. URL consultadu su 7 nadale 2021.
- ↑ (IT) La caduta di Aung San Suu Kyi, da icona democratica a speranza svanita, in Tiscali Notizie. URL consultadu su 3 freàrgiu 2021.
- ↑ (IT) Birmania: arrestata capo del governo Aung San Suu Kyi - Ultima Ora, in Agenzia ANSA, 1º freàrgiu 2021. URL consultadu su 3 freàrgiu 2021.
- ↑ (IT) Myanmar, Aung San Suu Kyi condannata a quattro anni di carcere, in Fanpage, 6 nadale 2021. URL consultadu su 7 nadale 2021.